Matthieu 27:46 - Mbeti ti Nzapa - Tënë so amu fini

⁴⁶ Nduru na ngbonga ota, Jésus adekongo ngangu, atene: “Eli, Eli, lema sabaktani?” Ndani atene: “Nzapa ti mbi, Nzapa ti mbi, mo zia mbi ngbanga ti nyen?”

Matthieu 27:46 Iomraidhean Croise

Abia (Psaumes) 22:1

Bia ti David; bia so ayeke ndali ti makonzi-bia. A he ni na go ti bia so iri ni “Tagba ti ndaperere”.

Abia (Psaumes) 71:11

Ala yeke tene: “Nzapa azia lo awe, ala tumba peko ti lo, ala gbu lo; mbeni zo ti zi lo ayeke daa pepe!”

Ésaïe 53:10

Me KOTA GBIA ayeda ti nika lo na lege ti pasi. Zo so lani amu fini ti lo na *sandaga ndali ti azo, KOTA GBIA akiri na lo na kozo ndo ti lo. Fade zo ti kua ti lo ayeke baa *ahale ti lo si lo yeke kiri ti te gigi aninga. Na lege ti lo, KOTA GBIA ayeke sara ye so be ti lo aye.

Abia ti demango tere 1:12

Ala ga abaa, ala azo so kue ayeke hon na lege so, ayeke nzoni amara ti ye tongaso asi na ala pepe! Pasi ti mbi alingbi na pasi ti mbeni zo-oo? Pasi so KOTA GBIA azia mbi na ya ni so ayeke ngangu mingi; KOTA GBIA azia pasi ni na tere ti mbi na lango so ngonzo ti lo alondo tongana wâ.

Matthieu 27:47

Ambeni zo so ayeke na tere ni, ama dekongo ti lo ni si ala tene: “Lo yeke iri Élie!”

Marc 15:34

Na ngbonga ota ni, Jésus adekongo ngangu, atene: “Eloi, Eloi, lema sabaktani?” Ndani atene: “Nzapa ti mbi, Nzapa ti mbi, mo zia mbi ngbanga ti nyen?”

Nzoni Tënë so Luc asu na mbeti 23:46

Jésus adekongo ngangu, atene: “Babâ, mbi zia yingo ti mbi na maboko ti mo.” Na peko ti tënë so, Jésus akui.

Ahebro 5:7

Na ngoi so Jésus ayeke na sese so, lo hinga so Nzapa alingbi ti soo lo na kuâ. Lo sambela, lo voro tere ti lo na Nzapa, lo dekongo, lo toto na ngu ti le. Nzapa ama lo, ngbanga ti so lo sara tere ti lo kete si lo ma yanga ti Nzapa.