Matthieu 27:42 - Mbeti ti Nzapa - Tënë so amu fini

⁴² “Lo soo ambeni zo na kuâ, me lo lingbi ti soo tere ti lo wani pepe! So gbia ti Israel ni laa? Lo londo fadeso na ndö ti keke ti kroa, lo zu na sese si fade e ma na be na lo.

Matthieu 27:42 Iomraidhean Croise

Matthieu 2:2

Ala hunda ndo, atene: “Molenge so a du lo titene lo ga gbia ti azuife so ayeke na ndo wa? E baa tongoro ti lo so asigigi na mbage ti To, nilaa e ga ti voro lo.”

Matthieu 27:37

Na li ti keke ti kroa ti lo, ala zia mbeni mbeti so afa nda ti ngbanga so a fâ na li ti lo, atene: “So Jésus, gbia ti azuife.”

Matthieu 27:40

atene: “Mo so mo tene, mo yeke kungbi kota da ti Nzapa titene mo kiri mo leke ni na ya ti lango ota so, mo soo tere ti mo wani na kuâ ma! Tongana mo yeke Molenge ti Nzapa, londo na ndö ti keke ti kroa ni fadeso, mo zu na sese e baa!”

Matthieu 27:41

Akota wayango-sandaga, awafango-ndia nga na *akangba ahe lo na ngia, ala tene:

Marc 15:31

Akota wayango-sandaga nga na awafango-ndia ahe Jésus si ala tene na popo ti ala, atene: “Lo soo ambeni zo, me lo lingbi ti soo tere ti lo wani pepe!

Marc 15:32

Ayeke nzoni *Mesii ni, gbia ti Israel, alondo fadeso na ndö ti keke ti kroa ni azu na sese, e baa! Tongaso, fade e ma na be na lo.” Ala so a kanga ala na ndö ti akeke ti kroa na tere ti Jésus ayeke zonga nga lo.

Nzoni Tënë so Luc asu na mbeti 19:38

Ala tene: “Ayeke nzoni Nzapa asara tufa na ndö ti gbia so aga na iri ti Kota Gbia! Siriri aduti na yayu kâ si a gonda Nzapa so ayeke na yayu kâ na ndö ti aye kue!”

Nzoni Tënë so Luc asu na mbeti 23:35

Azo ni aluti kâ si ala yeke baa ndo. Amakonzi ti azuife ayeke he lo, atene: “Lo soo ambeni zo na kuâ. Tongana lo yeke *Mesii so Nzapa asoro lo biani, ayeke nzoni lo soo tere ti lo wani na kuâ fadeso!”

Nzoni Tënë so Luc asu na mbeti 23:37

“Tongana mo yeke gbia ti azuife, soo tere ti mo wani na kuâ e baa!”

Jean 1:49

Natanael atene na lo: “Wafango-ye, mo yeke Molenge ti Nzapa! Mo yeke gbia ti Israel!”

Jean 12:13

Tongaso ala mu amaboko ti akeke ti mburu si ala gue ti wara lo na lege. Ala dekongo, atene: “E gonda Nzapa! Ayeke nzoni Nzapa asara tufa na ndö ti lo so aga na iri ti *Kota Gbia; lo yeke gbia ti Israel!”

Jean 12:47

Tongana mbeni zo ama atënë ti mbi si lo sara ye alingbi na ni pepe, mbi laa mbi yeke fâ ngbanga na li ti lo pepe. Biani, mbi ga ti fâ ngbanga na li ti azo ti dunia so pepe, me mbi ga ti soo azo ti dunia so na kuâ.

Jean 9:24

Afarizien akiri airi waziba ni si ala tene na lo: “Mo gonda gi Nzapa! E hinga so koli so azi le ti mo ayeke zo ti siokpari.”

Awatokua 4:14

So ala baa nga koli so gere ti lo aga nzoni, lo yeke luti na tere ti Pierre na Jean, ala wara mbeni tënë ti tene pepe.