Matthieu 27:4 - Mbeti ti Nzapa - Tënë so amu fini

⁴ Lo tene na ala: “Mbi sara siokpari awe, ngbanga ti so mbi ka na ala mbeni zo so asara sioni oko pepe.” Me ala kiri tënë na lo, atene: “Ti e daa nyen? So abaa gi mo!”

Matthieu 27:4 Iomraidhean Croise

1 Agbia 21:27

So Akab ama atënë so Élie atene, lo suru bongo na tere ti lo, lo yu bongo ti mua si lo ke kobe ti sambela. Na bi, lo yeke lango na bongo ti mua ni na tere ti lo si lo yeke tambula gi yeke-yeke.

2 Agbia 24:4

nga ndali ti azo so asara sioni pepe si Manase afâ ala senge senge; mene ti ala atuku si amu ya ti gbata ti Jérusalem kue. KOTA GBIA ake ti zi tënë ni na li ti lo.

Mbeti ti Job 13:4

Ti ala, ala kanga ndö ti taa-tënë na tenengo mvene; ala kue, ala yeke awanganga so ahinga ye oko pepe.

Mbeti ti Job 16:2

Mbi ma mara ti atënë tongaso fani mingi awe; ala yeke azo ti dengo be so tënë ti ala ayeke so be ti zo.

Abia (Psaumes) 94:21

Ala bongbi ti sara sioni na zo ti mbirimbiri, ala fâ ngbanga ti kuâ na li ti zo so tënë ayeke na li ti lo pepe.

Sigingo 12:31

Na bi ni, Faraon airi Moïse na Aaron si lo tene na ala: “Ala londo, ala na azo ti Israel ti ala ni, ala sigigi na popo ti azo ti kodro ti mbi! Ala gue, avoro KOTA GBIA tongana ti so ala tene so.

Sigingo 9:27

Faraon atokua a iri Moïse na Aaron si lo tene na ala: “Ti so ni, mbi sara sioni awe! Mbi na azo ti mbi, e sara sioni; KOTA GBIA laa ayeke mbirimbiri.

Amato 12:8

Azo ayeke gonda zo ndali ti hingango ndo ti lo; me zo so be ti lo asi singo na aye ti kirikiri, azo ayeke baa lo tongana mbumbuse zo.

Jérémie 26:15

Ye oko, ayeke nzoni ala hinga atene, tongana ala fâ mbi, andaa ala fâ zo so tënë ayeke na li ti lo pepe. Tongaso, ngbanga ti kuâ ti mbi ayeke kiri na li ti ala, na li ti gbata so nga na li ti azo ti gbata ni. Biani, KOTA GBIA laa atokua mbi ti tene atënë so na mê ti ala.”

Jonas 1:14

Tongaso ala dekongo na KOTA GBIA, atene: “KOTA GBIA, e gbu gere ti mo! Sara si e kui ndali ti koli so pepe. Sara si ngbanga ti mene ti mbeni zo ti mbirimbiri ayeke na li ti e pepe. Biani mo, KOTA GBIA, mo yeke sara ye so be ti mo aye.”

Matthieu 27:19

So Pilate angba ti duti na ndo so a leke na lo ti fâ ngbanga, wali ti lo atokua na lo, atene: “Mo yoro yanga ti mo na ya ti tënë ti koli so pepe; lo sara sioni oko pepe. Na bi so, mbi baa pasi mingi na ya ti bango-li ndali ti lo.”

Matthieu 27:54

So makonzi ti aturugu ni na aturugu so ayeke bata Jésus abaa sese so ayingi nga na aye so kue asi, mbeto agbu ala mingi si ala tene: “Taa-tënë, lo yeke Molenge ti Nzapa!”

Nzoni Tënë so Luc asu na mbeti 23:22

Ti fani ota ni, lo hunda ala, lo tene: “Me sioni ye ti nyen laa koli so asara? Mbi wara mbeni tënë na li ti lo so alingbi ti fâ lo ndali ni pepe. Fade mbi yeke mu yanga titene a pika gi lo pikango si mbi zi lo.”

Nzoni Tënë so Luc asu na mbeti 23:41

Ti e, ye ni ayeke na legeni, ngbanga ti so e yeke wara gi aye ti peko ti ye so e sara; me ti lo, lo sara mbeni ye ti sioni oko pepe.”

Nzoni Tënë so Luc asu na mbeti 23:47

So kapita ti aturugu ti Rome abaa ye ni tongaso, lo gonda Nzapa si lo tene: “Taa-tënë, koli so ayeke zo ti mbirimbiri!”

Jean 19:7

Azuife akiri tënë na lo: “Mbeni ndia ti e ayeke daa; na lege ti ndia ni so, lo lingbi na kuâ, ngbanga ti so lo tene, ni yeke Molenge ti Nzapa.”

Awatokua 13:28

Ataa so ala wara mbeni tënë na li ti lo pepe so alingbi na ngbanga ti kuâ, ala hunda na Pilate ti fâ lo.

Rome 3:19

E hinga so atënë ti *Ndia kue abaa azo so ayeke na gbe ti Ndia. Tongaso si zo oko awara tënë ti kiringo na ni pepe si na le ti Nzapa, ngbanga ayeke na li ti azo ti dunia kue.

1 Timothée 4:2

Ala yeke girisa lege ndali ti azo ti tenengo mvene so tënë ti yanga ti ala ayeke nde na sarango ye ti ala, be ti ala ayeke na nzoroko ti sioni ye so a su ni na wen so a yoro na ya ti wâ si abe.

Tite 1:16

Ala tene na yanga ti ala atene, ala hinga Nzapa, me ye so ala yeke sara afa so, ala bere tënë ti lo awe. Ala yeke azo so sioni ti ala ahon ndoni, azo ti ngangu li, ala lingbi ti sara nzoni ye oko pepe.

Ahebro 7:26

Mara ti kota wayango-sandaga so alingbi fade na e laa. Lo yeke nde si lo yeke nzoni kue, tënë ayeke na li ti lo oko pepe, lo sara siokpari oko pepe; lo kangbi na azo ti siokpari, Nzapa amu lo si azia lo na yayu kâ na ndö ti aye kue.

1 Pierre 1:19

me ye so azi ala ayeke mene ti Christ so ayeke ye ti kota ngere. Christ ayeke tongana molenge ti taba so mbeni mbage ti tere ti lo oko abuba pepe si sioni ye oko ayeke na tere ti lo pepe.

1 Jean 3:12

E sara ye tongana Kain pepe: lo yeke zo ti Sioni wato si lo fâ ita ti lo Abel. Ngbanga ti nyen si lo fâ lo? Ngbanga ti so ye so Kain ayeke sara, ayeke sioni si ti ita ti lo ayeke mbirimbiri.

Aye so Nzapa afa 11:10

Azo ti ndö ti sese ayeke duti na ngia ndali ti kuâ ti azo use so. Ala yeke sara matanga, ala yeke mu akadoo na amba ti ala, ngbanga ti so awayanga-Nzapa use so aga na pasi mingi na ndö ti azo.

1 Samuel 15:24

Saul atene na Samuel: “Mbi sara siokpari awe; mbi ke yanga ti KOTA GBIA awe, mbi ke tënë ti mo. Mbeto ti aturugu laa asara mbi si mbi ma yanga ti ala.

1 Samuel 15:30

Saul akiri atene: “Mbi sara siokpari awe. Fadeso, mbi gbu gere ti mo, mo ne mbi na dawa ti *akangba ti kodro ti mbi nga na dawa ti azo ti Israel. Ga, e na mo, e kiri legeoko titene mbi gue, mbi voro KOTA GBIA, Nzapa ti mo.”

1 Samuel 19:5

Lo ka yingo ti fâ Goliat, zo ti Filistii. Na lango ni so, *KOTA GBIA asara si azo ti Israel kue aso benda. Mo baa ye ni na le ti mo si tere ti mo anzere ndali ni. Mo ye ti tuku mene ti mbeni zo so asara sioni pepe ngbanga ti nyen? Mo ye ti fâ David senge senge ngbanga ti nyen?”