Matthieu 27:35 - Mbeti ti Nzapa - Tënë so amu fini

³⁵ So ala kanga lo na ndö ti keke ti kroa awe, ala bi *dee si ala kangbi ya ti bongo ti lo na popo ti ala.

Matthieu 27:35 Iomraidhean Croise

Abia (Psaumes) 22:16

Lege ti go ti mbi ahole kasakasa tongana fango ta ti sese, be ti mbi ahole kue na nzara ti ngu. Mo zia mbi na yanga ti du ti kuâ awe.

Abia (Psaumes) 22:18

Mbi nge kue si abio ti mbi kue ayeke na gigi. Awato ti mbi ayeke baa mbi, ala yeke baa gi mbi kpoo.

Nzoni Tënë so Luc asu na mbeti 23:34

Jésus atene: “Babâ, zi tënë na li ti ala, ngbanga ti so ala hinga ye so ala yeke sara pepe.” Ala bi *dee titene ala kangbi ya ti bongo ti lo na popo ti ala.

Jean 20:20

Na peko ti tënë so, lo fa amaboko ti lo na kate ti lo na ala. So adisiple abaa *Kota Gbia, be ti ala asi na kota ngia.

Jean 20:25

Ambeni disiple ni atene na Thomas: “E baa *Kota Gbia!” Thomas akiri tënë na ala, atene: “Tongana mbi baa ka ti pondi na ya ti amaboko ti lo pepe, mbi yoro li ti maboko ti mbi daa pepe si mbi yoro maboko ti mbi na ya ti ka ti kate ti lo pepe, mbi yeke ma na be oko pepe.”

Jean 20:27

Na pekoni, lo tene na Thomas: “Yoro li ti maboko ti mo na ndo so, mo baa maboko ti mbi. Yoro nga maboko ti mo na ndo so na ya ti kate ti mbi. Zia ti dekite, ma na be!”

Awatokua 2:23

A zia koli so na maboko ti ala, ala kanga lo na ndö ti keke ti kroa si ala fâ lo. Andaa Nzapa ahinga kozoni si lo leke na be ti lo awe.

Awatokua 4:10

Ala na azo ti Israel kue, alingbi ala hinga atene, Jésus Christ, zo ti Nazaret, lo so ala fâ lo na ndö ti keke ti kroa si Nzapa azingo lo na kuâ, ngangu ti iri ti lo laa asara si koli so aluti na popo ti ala na nzoni tere so.