Matthieu 27:32 - Mbeti ti Nzapa - Tënë so amu fini

³² So ala yeke sigigi na ya ti gbata ni, ala tengbi na mbeni koli ti Sirene so iri ti lo ayeke Simon. Ala gbu lo na ngangu titene lo yo keke ti kroa ti Jésus.

Matthieu 27:32 Iomraidhean Croise

1 Agbia 21:10

Ala zia agodobe use na dawa ti Nabot titene ala bi tënë na li ti lo, atene: ‘Mo zonga Nzapa, mo zonga nga gbia ti kodro!’ Na pekoni, fade ala sigigi na lo na ya ti gbata ni, ala bo lo na têne titene lo kui!”

1 Agbia 21:13

Agodobe use aga aduti na dawa ti Nabot si ala to nda ti bi tënë na li ti lo na le ti azo kue, ala tene: “Nabot azonga Nzapa, lo zonga nga gbia ti kodro!” Tongaso ala mu Nabot, asigigi na lo na ya ti gbata ni, ala bo lo na têne si lo kui.

Awayango-sandaga 4:12

so ti tene bagara ni na ngbongboro ni kue, lo yeke gue na lo na peko ti bâbâ, na mbeni ndo so ayeke *nzoni, ndo so a yeke tuku mburu ti wâ ti mafuta ti anyama daa si lo yeke gbi ni kue na ndö ti akeke ti wâ. Na ndo so laa a yeke gbi aye ni kue na ndö ti mburu ti wâ ti mafuta ti anyama.”

Awayango-sandaga 4:21

Lo yeke gue na koli-bagara ni na peko ti bâbâ si lo yeke gbi ni tongana ti so lo gbi na kozo koli-bagara ni. So ayeke sandaga so bongbi ti azo ti Israel amu ndali ti zingo siokpari na li ti ala laa.”

Awayango-sandaga 4:3

“Tongana kota wayango-sandaga laa asara siokpari si ndali ti siokpari ti lo tënë aga na li ti azo, alingbi lo ya na KOTA GBIA *sandaga ti koli-bagara so mbeni mbage ti tere ti lo abuba pepe ndali ti zingo siokpari na li ti lo.

Matthieu 16:24

Na pekoni, Jésus atene na adisiple ti lo: “Tongana mbeni zo aye ti mu peko ti mbi, ayeke nzoni lo zia ti gbu li ti lo na ndö ti lo wani, lo yo keke ti kroa ti lo si lo mu peko ti mbi.

Matthieu 5:41

Tongana mbeni zo agbu mo na ngangu ti yo kungba ti lo ti tambula na ni kilometere oko, yo ni mo tambula na ni na lo kilometere use.

Marc 15:21

Mbeni koli ti kodro ti Sirene so iri ti lo ayeke Simon, babâ ti Alexandre na Rufus, alondo na yaka si lo yeke hon na lege ni so. Aturugu agbu lo na ngangu titene lo yo keke ti kroa ti Jésus.

Nzoni Tënë so Luc asu na mbeti 23:26

So ala mu Jésus si ala yeke gue na lo, ala tengbi na mbeni koli so azo ahinga lo na iri ti Simon, zo ti kodro ti Sirene; lo londo na yaka si lo yeke kiri na kodro. Ala gbu lo si ala zia keke ti kroa ni na ndö ti go ti lo titene lo yo ni, lo gue na ni na peko ti Jésus.

Jean 19:17

Lo wani, lo yo keke ti kroa ti lo, lo sigigi si lo gue na ndo so ala iri ni “Ndo-ti-abio-ti-li”; a iri ni na yanga ti hebro “Golgota.”

Awatokua 11:20

Ti ambeni so ayeke azo ti Shipre na ti Sirene, ala gue na Antioshe si ala fa nga na agreke Nzoni Tënë ti *Kota Gbia Jésus.

Awatokua 13:1

Na *Eglize ti Antioshe, *awayanga-Nzapa na awafango-ye ayeke daa: Barnabas, Siméon so a iri lo Zo-vuko, Lusius ti kodro ti Sirene, Manaen so lo na kota komanda Herode akono oko, na Saul.

Awatokua 2:10

na Frizii, na Panfilii, na Ezipte, na akodro ti Libii, nduru na Sirene; ambeni alondo na Rome si asara kodro ge;

Awatokua 6:9

Ambeni zo alondo ti *bingbi tënë na Étienne. Ala yeke azo ti da ti sambelango Nzapa so a iri ni “Da ti Sambelango Nzapa ti azo so asigigi na gbe ti ngbaa”, ala na azo ti Sirene, ti Aleksandrii, ti Silisii na ti Azii.

Awatokua 7:58

Ala gboto lo, asigigi na lo na ya ti gbata ni si ala bo lo na têne. Azo so abi tënë na li ti Étienne na le ti ngbanga so, ala zia abongo ti ala kue na tere ti mbeni maseka-koli so iri ti lo Saul.