Matthieu 27:31 - Mbeti ti Nzapa - Tënë so amu fini

³¹ So ala zia lege ti hengo lo awe, ala zi bengba bongo ni si ala kiri ayu na lo bongo ti lo; ala mu lo, ague na lo ti fâ lo na ndö ti keke ti kroa.

Matthieu 27:31 Iomraidhean Croise

1 Agbia 21:10

Ala zia agodobe use na dawa ti Nabot titene ala bi tënë na li ti lo, atene: ‘Mo zonga Nzapa, mo zonga nga gbia ti kodro!’ Na pekoni, fade ala sigigi na lo na ya ti gbata ni, ala bo lo na têne titene lo kui!”

1 Agbia 21:13

Agodobe use aga aduti na dawa ti Nabot si ala to nda ti bi tënë na li ti lo na le ti azo kue, ala tene: “Nabot azonga Nzapa, lo zonga nga gbia ti kodro!” Tongaso ala mu Nabot, asigigi na lo na ya ti gbata ni, ala bo lo na têne si lo kui.

Ésaïe 53:7

Azo asara ngangu na lo, lo sara tere ti lo kete, lo zi yanga oko pepe. Lo yeke tongana kete taba so a yeke gue na lo na ndo ti fango anyama; lo yeke tongana taba so ayeke buburu na dawa ti azo ti fango kua ti tere ti lo, lo zi yanga oko pepe.

Wungo ti azo 15:35

*KOTA GBIA atene na Moïse: “Alingbi ala fâ koli so! Bongbi ti azo ni kue amu lo, asigigi na lo na ya ti bâbâ, ala bo lo na têne.”

Matthieu 20:19

ala yeke zia lo na maboko ti azo ti mbeni mara nde titene ala he lo, ala pika lo na fimbo si ala fâ lo na ndö ti keke ti kroa. Na lango ota ni, fade lo yeke zingo na kuâ.”

Matthieu 21:39

Ala gbu lo, ala sigigi na lo na ya ti yaka ni si ala fâ lo.”

Matthieu 26:2

“Ala hinga kue, na ya ti lango use, fade *matanga ti Pake ayeke duti daa. Fade a yeke mu *Molenge ti Zo titene a fâ lo na ndö ti keke ti kroa.”

Marc 15:20

So ala zia lege ti hengo lo awe, ala zi bengba bongo ni na tere ti lo si ala yu na lo bongo ti lo wani. Na pekoni, ala sigigi na lo ti gue ti fâ lo na ndö ti keke ti kroa.

Jean 19:16

Tongaso Pilate azia Jésus na maboko ti ala titene ala gue, afâ lo na ndö ti keke ti kroa. Ala mu Jésus ahon na lo.

Jean 19:27

Na pekoni, lo tene na disiple ni: “Baa, mama ti mo laa.” Ti londo na ndembe ni so, disiple ni amu mama ti Jésus na da ti lo.

Awatokua 7:58

Ala gboto lo, asigigi na lo na ya ti gbata ni si ala bo lo na têne. Azo so abi tënë na li ti Étienne na le ti ngbanga so, ala zia abongo ti ala kue na tere ti mbeni maseka-koli so iri ti lo Saul.

Ahebro 13:12

Ndani laa, Jésus nga akui na gigi ti gbata ni titene na lege ti mene ti lo wani, lo *sukula sioni ti azo.