Matthieu 27:29 - Mbeti ti Nzapa - Tënë so amu fini

²⁹ Na pekoni, ala mu akamba ti ki aleke ni tongana kpoto ti gbia si ala zia na li ti lo, ala zia mbeni sosongo na maboko ti lo ti koli; ala kuku na gbe ti lo si ala to nda ti he lo, atene: “E bara mo, gbia ti azuife!”

Matthieu 27:29 Iomraidhean Croise

Abia (Psaumes) 69:7

Kota Gbia NZAPA, mo so mo yeke na ndö ti dunia kue, azo so azia be ti ala na ndö ti mo, ayeke nzoni kamene agbu ala ndali ti mbi pepe. Nzapa ti Israel, azo so ayeke gi mo, ayeke nzoni kamene agbu le ti ala ndali ti mbi pepe.

Ésaïe 49:7

Mo so lani azo abaa mo tongana mbumbuse zo, so be ti azo kue ake mo, mo so mo yeke ngbaa ti azo ti sarango ngangu na zo, *KOTA GBIA, lo so lo zi azo ti lo, Nzapa ti Israel so ayeke nde si ayeke nzoni kue, tënë so lo tene na mo ayeke so: “Tongana agbia ayeke baa ande mo, ala yeke londo na ndö ti mbata ti ala; tongana amakonzi ayeke baa mo, ala yeke kuku akpo li ti ala na sese na dawa ti mo.” Ye ni ayeke si ndali ti KOTA GBIA so ayeke sara ye alingbi na tënë ti yanga ti lo, ndali ti Nzapa ti Israel so ayeke nde si ayeke nzoni kue, lo so lo soro mo.

Ésaïe 53:3

Azo abaa lo tongana mbumbuse zo, azo ado lo azia. Lo yeke zo so ye aso lo, lo hinga ye so iri ni pasi. Lo kpa zo so mbeni zo alingbi ti baa lo na le fani use pepe. E baa lo tongana mbumbuse zo, e ne lo oko pepe.

Jérémie 20:7

*KOTA GBIA, mo handa mbi si mbi ti na ya ti handa ni. Mo gbu mbi na ngangu, mo hon ndö ti mbi awe. Lakue mbi ga buba na le ti azo; azo kue ayeke he mbi.

Matthieu 20:19

ala yeke zia lo na maboko ti azo ti mbeni mara nde titene ala he lo, ala pika lo na fimbo si ala fâ lo na ndö ti keke ti kroa. Na lango ota ni, fade lo yeke zingo na kuâ.”

Matthieu 26:49

Gi hio tongaso, Judas aga nduru na tere ti Jésus si lo tene na lo: “Wafango-ye, mbi bara mo!” Na pekoni, lo su ngbangba ti lo.

Matthieu 27:37

Na li ti keke ti kroa ti lo, ala zia mbeni mbeti so afa nda ti ngbanga so a fâ na li ti lo, atene: “So Jésus, gbia ti azuife.”

Marc 15:17

Ala yu mbeni kota bengba bongo na lo; ala mu akamba ti ki aleke ni tongana kpoto ti gbia si ala zia na li ti lo.

Marc 15:18

Na pekoni, ala to nda ti bara lo, atene: “E bara mo, gbia ti azuife!”