Matthieu 27:25 - Mbeti ti Nzapa - Tënë so amu fini

²⁵ Azo ni kue akiri tënë, atene: “E ye titene ngbanga ti kuâ ti lo ati na li ti e nga na amolenge ti e!”

Matthieu 27:25 Iomraidhean Croise

2 Samuel 1:16

David atene na zo ti mara ti Amalek ni, atene: “Mene ti mo ayeke kiri na li ti mo wani! Tënë ti yanga ti mo wani laa afâ mo, ngbanga ti so mo tene: ‘Mbi laa mbi fâ gbia so KOTA GBIA atuku mafuta na li ti lo.’ ”

1 Agbia 2:32

Biani, Abner, molenge ti Ner, makonzi ti aturugu ti Israel, na Amasa, molenge ti Yeter, makonzi ti aturugu ti Juda ayeke azo ti mbirimbiri si ala yeke nzoni ahon Yoab. Me Yoab afâ ala; babâ ti mbi ahinga tënë ni oko pepe. Fade KOTA GBIA ayeke sara titene ngbanga ti mene ti Yoab ati na li ti lo wani!

Sigingo 20:5

Alingbi mo kuku na gbe ti ayanda so pepe, mo voro ala pepe, ngbanga ti so mbi KOTA GBIA Nzapa ti mo, mbi yeke Nzapa so ayeke sara mbanda ti azo ti lo. Azo so asara sioni ti ke mbi, mbi yeke kiri na sioni ti azo ni na ndö ti *ahale ti ala, ngbii asi na molongo ota ni wala molongo osio ni.

Wungo ti azo 35:33

“Kodro so ala yeke duti ande daa, ala sara titene aga *sioni pepe. Tukungo mene laa ayeke sara titene kodro aga *sioni. Zo so atuku mene ti zo, alingbi ala tuku nga mene ti lo si kodro ni akiri aga *nzoni.

Matthieu 21:44

Zo so kue ayeke ti na ndö ti têne so, fade tere ti lo ayeke kungbi. Tongana têne ni ati na ndö ti mbeni zo, fade ayeke nika lo nikango!”]

Awatokua 18:6

Me so ala ke tënë ni si ala zonga lo, lo pika sese ti tere ti bongo ti lo na ala si lo tene: “Ayeke nzoni mene ti ala angba na li ti ala wani; ngbanga ti mbi ayeke daa pepe. Fadeso, mbi yeke gue na mbage ti azo ti amara nde.”

Awatokua 5:28

“E ke fade na ala na kuru go titene ala fa ye na iri ti koli so. Me ye ni asara tongana nyen si fango ye ti ala ni amu ya ti Jérusalem kue so? Na ndö ni, ala kiri atene, e laa e fâ lo!”

Awatokua 7:52

Wayanga-Nzapa wa laa akotara ti ala azia ti sara ngangu na lo? Akotara ti ala afâ azo so atene kozoni tënë ti gango ti Zo ti mbirimbiri. Fadeso, ala laa aka Zo ti mbirimbiri ni si ala fâ lo!

Ndia ti fani use ni 19:10

Tongaso, zo so asara sioni ye pepe, fade a yeke tuku mene ti lo pepe na ya ti kodro so KOTA GBIA Nzapa ti ala amu ni titene aga ti ala. Tongaso pepe, fade ngbanga ti mene ti zo ni ayeke ga na li ti ala.

Ndia ti fani use ni 19:13

Fade ala yeke baa mawa ti zo so pepe. Tongaso, fade ala yeke zi na sese ti Israel mene ti mbeni zo so asara sioni pepe si a fâ lo; tongaso ala yeke duti nzoni.

Josué 2:19

Tongana mbeni zo alondo na ya ti da ti mo asigigi, fade tënë ti kuâ ti lo ayeke na li ti lo wani; tënë ni ayeke na li ti e pepe. Me tongana maboko ti mbeni zo ti e andu mbeni zo so mo na lo ayeke na ya ti da ti mo, tënë ti kuâ ti zo ni so ayeke na li ti e.