Matthieu 27:19 - Mbeti ti Nzapa - Tënë so amu fini

¹⁹ So Pilate angba ti duti na ndo so a leke na lo ti fâ ngbanga, wali ti lo atokua na lo, atene: “Mo yoro yanga ti mo na ya ti tënë ti koli so pepe; lo sara sioni oko pepe. Na bi so, mbi baa pasi mingi na ya ti bango-li ndali ti lo.”

Matthieu 27:19 Iomraidhean Croise

Tongo nda ti aye 31:11

*Ange ti Nzapa airi mbi na ya ti bango-li ni, atene: ‘Jacob.’ Mbi yeda, mbi tene: ‘Mbi laa.’

Tongo nda ti aye 31:24

Me Nzapa asi na Laban na ya ti bango-li na bi si atene na lo: “Mo sara hange! Tene tënë oko na Jacob pepe, ataa nzoni tënë wala sioni tënë.”

Tongo nda ti aye 31:29

Mbi yeke na ngangu ti sara sioni na ala. Me biri na bi, Nzapa ti babâ ti mo atene na mbi: ‘Sara hange! Tene tënë oko na Jacob pepe, ataa nzoni tënë wala sioni tënë.’

Amato 29:1

Zo so a gboto mê ti lo si lo ngba ti sara ngangu li, fade a yeke kinda lo gi hio tongaso, mbeni ye ti sara titene lo kiri lo ga nzoni ayeke daa pepe.

Ésaïe 53:11

Ndali ti pasi so lo baa, fade lo yeke baa lumiere; ndali ti hingango ye ti lo, lo yeke te gigi aninga. Zo ti kua ti mbi so ayeke zo ti mbirimbiri ayeke sara ande si gba ti azo aga azo ti mbirimbiri, ngbanga ti so lo yo sioni ti ala.

Zakarii 9:9

Dodo na ngia, mo gbata ti *Sion! Dekongo na ngia, mo gbata ti Jérusalem! Baa, gbia ti mo ayeke ga na mbage ti mo; lo yeke mbirimbiri, lo so benda, lo sara tere ti lo tongana senge zo, lo duti na ndö ti lele, lo duti na ndö ti molenge ti lele.

Wungo ti azo 12:6

Lo tene na ala: “Ala ma tënë ti mbi nzoni. Tongana mbeni wayanga-Nzapa ayeke na popo ti ala, mbi KOTA GBIA, mbi sara si lo hinga, mbi na lege ti mbeni ye tongana bango-li; mbi tene tënë na lo na ya ti bango-li.

Matthieu 1:20

Na ndembe so lo ngba ti gbu li ti lo, mbeni *ange ti *Kota Gbia asi na lo na ya ti bango-li si atene na lo: “Joseph, molenge ti David, mo sara mbeto ti mu wali ti mo Marie pepe, ngbanga ti so molenge so ayeke na ya ti lo aga na lege ti Yingo-Vuru.

Matthieu 2:19

So Herode akui awe, *ange ti *Kota Gbia asi na Joseph na ya ti bango-li kâ na Ezipte.

Matthieu 2:22

So Joseph ama a tene, Arkelaos aga gbia ti Judée na peko ti babâ ti lo Herode, mbeto ti duti na ya ti kodro ni agbu lo. Na peko ti tënë so Nzapa atene na lo na ya ti bango-li so, lo mu lege, lo gue na sese ti Galile.

Matthieu 27:18

Biani, Pilate ahinga atene, ala zia Jésus na maboko ti lo, ngbanga ti so kota be asara ala na tere ti lo.

Matthieu 27:24

So Pilate abaa atene, ni ha gbaa si wusuwusu ayeke gue guengo na nduzu, lo mu ngu si lo sukula maboko ti lo na le ti azo kue; lo tene na ala: “Ngbanga ti kuâ ti koli so ayeke na li ti mbi pepe! So abaa gi ala wani!”

Matthieu 27:4

Lo tene na ala: “Mbi sara siokpari awe, ngbanga ti so mbi ka na ala mbeni zo so asara sioni oko pepe.” Me ala kiri tënë na lo, atene: “Ti e daa nyen? So abaa gi mo!”

Nzoni Tënë so Luc asu na mbeti 23:41

Ti e, ye ni ayeke na legeni, ngbanga ti so e yeke wara gi aye ti peko ti ye so e sara; me ti lo, lo sara mbeni ye ti sioni oko pepe.”

Nzoni Tënë so Luc asu na mbeti 23:47

So kapita ti aturugu ti Rome abaa ye ni tongaso, lo gonda Nzapa si lo tene: “Taa-tënë, koli so ayeke zo ti mbirimbiri!”

Jean 19:13

So Pilate ama tënë so, lo hunda titene a sigigi na Jésus. Pilate aduti na ndö ti mbata ti lo ti fango ngbanga, na ndo so iri ni “Litostrotos”; a iri ni na yanga ti hebro “Gabata”.

Awatokua 12:21

So lango ni alingbi awe, Herode ayu bongo ti lo ti gbia, lo duti na ndö ti mbata ti lo ti gbia si lo yeke tene tënë na ala na le ti azo kue.

Awatokua 18:12

Na ngoi so Galion ayeke govoronere ti sese ti Akayi, be ti azuife kue ake Paul. Ala gbu lo si ala gue na lo na ngbanga,

Awatokua 18:16

Na pekoni, lo tumba ala na ya ti da ti fango ngbanga ni.

Awatokua 18:17

Tongaso ala kue ague si ala gbu Sostene, makonzi ti da ti sambelango Nzapa, ala pika lo gi na yanga ti da ti fango ngbanga ni, me Galion azi yanga daa oko pepe.

Awatokua 25:10

Paul atene: “Mbi luti na gbe ti azo ti fango ngbanga ti kota gbia ti Rome titene ala fâ ngbanga na li ti mbi gi na ndo so. Mo wani, mo hinga nzoni so, mbi sara sioni ye na azuife oko pepe.

Awatokua 25:17

So mbi na ala e si ge na Sezare, mbi ku pepe. Lango oko na pekoni, mbi gue, mbi duti na da ti fango ngbanga si mbi mu yanga titene a ga na koli so.

Awatokua 25:6

Festus asara gi lango miombe wala baleoko na ndo ti ala. Na pekoni, lo kiri na Sezare. Lango oko na pekoni, lo duti na ya ti da ti fango ngbanga si lo mu yanga titene a ga na Paul.

1 Pierre 2:22

Christ asara siokpari pepe; tënë ti mvene asigigi na yanga ti lo laoko pepe.

1 Jean 2:1

Amolenge ti mbi, mbi su mbeti so na ala titene ala sara siokpari pepe. Me tongana mbeni zo asara siokpari, e yeke na mbeni wagbungo-koko na tere ti Babâ: Jésus Christ, lo so lo yeke mbirimbiri.