Matthieu 26:74 - Mbeti ti Nzapa - Tënë so amu fini

⁷⁴ Pierre ato nda ti deba yanga ti lo, atene: “Ayeke nzoni Nzapa afâ ngbanga na li ti mbi tongana mbi tene mvene! Mbi hinga koli so oko pepe!” Gi na pekoni, koli-kondo atoto.

Matthieu 26:74 Iomraidhean Croise

Matthieu 10:28

Azo so ayeke fâ tere ti zo, ala sara mbeto ti ala pepe; azo ni alingbi ti fâ yingo ti zo pepe. Me ayeke nzoni ala kpe mbeto ti Nzapa so alingbi ti sara si tere ti zo na yingo ti lo kue abuba na ndo so wâ ayeke gbi daa lakue.

Matthieu 26:34

Jésus akiri tënë na lo: “Mbi tene na mo taa-tënë: gi na bi so, kozo titene koli-kondo atoto, fade mo yeke bere tënë ti mbi fani ota.”

Matthieu 26:73

Kete na pekoni, azo so ayeke kâ aga nduru na Pierre si ala tene na lo: “Taa-tënë, mo nga, mo yeke mbeni zo ti Jésus! Sarango tënë ti mo aka mo awe.”

Matthieu 26:75

Pierre adabe ti lo na tënë so Jésus atene lani na lo, atene: “Kozo titene koli-kondo atoto, fade mo yeke bere tënë ti mbi fani ota.” Lo sigigi si lo toto ngangu mingi.

Matthieu 27:25

Azo ni kue akiri tënë, atene: “E ye titene ngbanga ti kuâ ti lo ati na li ti e nga na amolenge ti e!”

Marc 14:30

Jésus akiri tënë na lo: “Mbi tene na mo taa-tënë: laso, gi na bi so, kozo titene koli-kondo atoto fani use, fade mo yeke bere tënë ti mbi fani ota.”

Marc 14:68

Me lo bere si lo tene: “Mbi hinga tënë so mo ye ti tene so pepe, mbi gi li ti mbi na ni gbaa!” Na pekoni, lo sigigi na ya ti gbagba ni ti gue na mbage ti yanga ti gbagba ni. Tongaso koli-kondo atoto.

Nzoni Tënë so Luc asu na mbeti 22:60

Pierre akiri tënë na lo, atene: “Mbi gi li ti mbi na tënë ti mo ni gbaa!” Gi so tënë angba na yanga ti lo, koli-kondo atoto.

Jean 18:27

Pierre akiri abere. Gi hio tongaso, koli-kondo atoto.

Rome 9:3

Ti be ti mbi, mbi ye fade titene Nzapa adeba mbi si mbi wani, mbi kangbi na Christ ndali ti a-ita ti mbi so ayeke azo ti mara ti mbi.

1 Korente 16:22

Tongana mbeni zo aye *Kota Gbia pepe, ayeke nzoni a deba lo! Maranata! – Kota Gbia, mo ga! –

Aye so Nzapa afa 3:19

Azo so kue mbi ye ala, mbi yeke pika ala si mbi yeke kiri ala na nzoni lege. Zia be ti mo kue na sarango kua, zia sioni lege ti sarango ye ti mo!

Awafango-ngbanga 17:2

Mbeni lâ, lo tene na mama ti lo: “Lani a nzi ale ti nginza ti mo saki oko na ngbangbo oko. Taa na le ti mbi, mo deba zo ti nzi ni. Fadeso, mbi ye ti tene na mo, mbi laa mbi mu nginza ni!” Mama ti lo atene: “Molenge ti mbi, *KOTA GBIA asara tufa na ndö ti mo!”

Awafango-ngbanga 21:18

Me ti e, e lingbi ti mu amolenge ti e na ala pepe ti ga awali ti ala, ngbanga ti so e deba yanga ti e lani, e tene: ‘Deba aga na ndö ti zo so amu molenge ti lo na mbeni koli ti mara ti Benjamin ti ga wali ti lo!’ ”