Matthieu 26:7 - Mbeti ti Nzapa - Tënë so amu fini

⁷ mbeni wali aga nduru na tere ti lo na mbeni ngbenda ti yombo so ngere ni ayeke ngangu mingi; a sara ngbenda ni na mbeni têne so iri ni albatre. Lo tuku yombo ni na li ti Jésus, na ndembe so Jésus ayeke te kobe.

Matthieu 26:7 Iomraidhean Croise

2 Agbia 9:1

Wayanga-Nzapa Élisée airi mbeni zo oko na popo ti azo ti bongbi ti awayanga-Nzapa si atene na lo: “Leke tere ti mo, mo mu ngbenda ti mafuta so, mo gue na gbata ti Ramot, na sese ti Galaad.

Abia (Psaumes) 133:2

Ye ni ayeke tongana mafuta so afun yombo so a tuku na li ti Aaron si ayeke yuru ti gue na kua ti yanga ti lo, ti gue na go ti bongo ti lo.

Zo ti bongbingo azo 10:1

Kuâ ti avuma so ati na ya ti mafuta ti zo ti sarango yombo asara si mafuta ni abuba si akpi. Kete buba ye ayeke buba ndara ti zo na nengo ti zo.

Zo ti bongbingo azo 9:8

Ayeke nzoni mo yu apendere bongo lakue, mo girisa ti sara yombo na li ti mo pepe.

B. ti abia 1:3

afun pendere ahon ayombo ti mo. Iri ti mo ayeke yombo so afun amu ndo kue, ndani laa amaseka-wali aye mo mingi so.

Ésaïe 57:9

Mo mu mafuta, mo gue na ni na kota gbia, mo gue na mara ti ayombo nde nde. Mo tokua azo ti mo yongoro kâ, ala zu ngbii, ala si na ndo ti akuâ.

Matthieu 26:8

So adisiple abaa ye ni tongaso, be ti ala aso si ala tene: “Ngbanga ti nyen si lo yeke buba yombo so tongaso?

Marc 14:3

Jésus ayeke na Betanii, na ya ti da ti Simon, zo ti buruma. So lo duti si lo yeke te kobe, mbeni wali ali na mbeni ngbenda so a sara ni na mbeni têne so iri ni albatre si yombo ti ngangu ngere ayeke na ya ni. A sara yombo ni na ngu ti mbeni kete keke so iri ni nare. Lo fâ ya ti ngbenda ni si lo tuku yombo ni na li ti Jésus.

Nzoni Tënë so Luc asu na mbeti 7:46

Mo sara mafuta na li ti mbi pepe; me lo, lo tuku yombo na gere ti mbi.