Matthieu 26:67 - Mbeti ti Nzapa - Tënë so amu fini

⁶⁷ Na pekoni, ala tuku ngu ti yanga ti ala na le ti lo si ala kpo lo na gobo, ambeni apika ngbangba ti lo,

Matthieu 26:67 Iomraidhean Croise

1 Agbia 22:24

Tongaso Sidekia, molenge ti Kenaana aga nduru na tere ti Mishe, lo pika ngbangba ti Mishe si lo tene: “Yingo ti KOTA GBIA asigigi na ya ti mbi tongana nyen ti gue ti tene tënë na mo so?”

Ésaïe 50:6

Mbi zia peko ti mbi na azo so ayeke pika mbi, mbi yoro ngbangba ti mbi na azo so ayeke gboto kua ti yanga ti mbi. Azo so ayeke zonga mbi si ala yeke tuku ngu ti yanga na le ti mbi, mbi honde le ti mbi na ala pepe.

Ésaïe 52:14

Na bango lo, azo mingi asara mbeto ahon ndoni, ngbanga ti so a buba ndö ti le ti lo; lo kiri lo kpa zo pepe.

Ésaïe 53:3

Azo abaa lo tongana mbumbuse zo, azo ado lo azia. Lo yeke zo so ye aso lo, lo hinga ye so iri ni pasi. Lo kpa zo so mbeni zo alingbi ti baa lo na le fani use pepe. E baa lo tongana mbumbuse zo, e ne lo oko pepe.

Jérémie 20:2

Tongaso, lo pika mê ti wayanga-Nzapa Jérémie si lo mu yanga titene a kanga lo na ya ti olongbo so ayeke na yanga ti kota da ti Nzapa, ti mbage ti nduzu so iri ni ti Benjamin, ndo so azo ayeke hon daa ti li na ya ti kota da ti KOTA GBIA.

Abia ti demango tere 3:30

Ayeke nzoni lo yoro ngbangba ti lo na zo so aye ti pika ni, lo yeda na gba ti zonga ti azo.

Abia ti demango tere 3:45

Na popo ti amara nde, mo sara si e ga tongana zende, ye so zo aye ti baa na le ti lo pepe.

Mishe 5:1

*KOTA GBIA atene: “Mo, Betlehem Efrata, mo yeke kete kodro mingi na popo ti akodro ti mara ti Juda. Me zo so ayeke ga gbia ti azo ti Israel, lo yeke sigigi ande na ya ti mo. Nda ti lo ato nda ni ando giriri, yongoro kâ.”

Wungo ti azo 12:14

KOTA GBIA akiri tënë na Moïse: “Tongana babâ ti lo atuku fade ngu ti yanga na le ti lo, ka lo ngba na kamene ni na ya ti lango mbarambara pepe? Alingbi a zi lo na ya ti bâbâ ni na ya ti lango mbarambara. Na pekoni, lo lingbi ti kiri na popo ti ala senge.”

Matthieu 26:68

ala tene: “Mo so mo yeke *Mesii so, sara tongana wayanga-Nzapa: fa na e, zo wa laa apika mo?”

Matthieu 27:30

Ala tuku ngu ti yanga ti ala na tere ti lo, ala mu sosongo ni si ala pika na li ti lo.

Matthieu 5:39

Ti mbi, mbi tene na ala: zo so asara sioni na ala, ala kiri na peko ti sioni ni na lo pepe. Tongana mbeni zo apika ngbangba ti mo ti mbage ti koli, yoro na lo mbeni mbage ni lo pika.

Marc 10:34

Ala yeke he lo, ala yeke tuku ngu ti yanga ti ala na tere ti lo, ala yeke pika lo na fimbo si ala yeke fâ lo. Lango ota na pekoni, fade lo yeke zingo na kuâ.”

Marc 14:65

Ambeni zo ato nda ti tuku ngu ti yanga ti ala na tere ti lo, ala kanga le ti lo, ala kpo lo na gobo si ala tene na lo: “Sara tongana wayanga-Nzapa: fa na e zo so asara ye so na mo.” Azo ti kua ni amu Jésus si ala pika ngbangba ti lo fani mingi.

Marc 15:19

Ala pika li ti lo na sosongo, ala tuku ngu ti yanga ti ala na tere ti lo si ala kuku akpo li ti ala na sese na gbe ti lo.

Jean 18:22

So Jésus atene tënë so, mbeni turugu so ayeke kâ apika ngbangba ti lo si atene na lo: “Lege ti kiringo tënë na kota wayango-sandaga laa?”

Jean 19:3

Ala ga nduru na tere ti lo si ala tene: “E bara mo, gbia ti azuife!” Ala yeke pika ngbangba ti lo.

1 Korente 4:13

azo ayeke tene sioni tënë na tere ti e, e yeke sara si be ti azo ade. E yeke tongana azende ti dunia so, afungo ye so azo ayeke bi na ngonda, ngbii asi fadeso.

Ndia ti fani use ni 25:9

fade wali ni ayeke ga nduru na lo na le ti akangba ni, lo yeke zi pâpä ti kogara ti lo si lo yeke tuku ngu ti yanga na le ti lo. Na pekoni, lo yeke tene: “Koli so ake ti leke da ti ita ti lo, ye so alingbi titene a sara na lo laa!”

Ahebro 12:2

Le ti e angba na ndö ti Jésus. Lo laa lo zi lege ti mabe na e si lo sara titene e ngba na lege ti mabe ni ngbii asi na ndani. Lo yeda si azo afâ lo na ndö ti keke ti kroa, lo sara kamene ti kuâ so lo kui na ndö ti keke ti kroa pepe. Lo yeda ndali ti so lo hinga kozoni so fade lo yeke duti na ngia. Fadeso, lo yeke duti na tere ti mbata ti Gbia Nzapa, na mbage ti maboko ti lo ti koli.