Matthieu 26:55 - Mbeti ti Nzapa - Tënë so amu fini

⁵⁵ Na pekoni, Jésus atene na gba ti azo ni, atene: “Ala ga na ayongoro zeme na akeke ti gbu mbi, mo baa mo tene, mbi yeke zo ti nzi! Lakue mbi yeke duti na ya ti kota da ti Nzapa ti fa ye, me ala gbu mbi pepe!

Matthieu 26:55 Iomraidhean Croise

Matthieu 21:23

Jésus ali na ya ti kota da ti Nzapa si lo yeke fa ye. Tongaso, akota wayango-sandaga na *akangba ti azuife aga nduru na tere ti lo si ala hunda lo, atene: “Na iri ti zo wa laa mo yeke sara aye so? Zo wa laa amu lege na mo ti sara ni, zo wa?”

Matthieu 26:47

So Jésus angba ti tene tënë, Judas, mbeni oko ti adisiple baleoko na use asi; lo ga na azo gbani gbani na tere ti lo. Azo ni kue amu ayongoro zeme na akeke na maboko ti ala. Akota wayango-sandaga na *akangba ti azuife laa atokua ala.

Marc 10:1

Na pekoni, Jésus alondo na ndo so si lo gue na sese ti Judée, na mbage ti ngu ti Jourdain. Gba ti azo akiri abongbi na tere ti lo si lo to nda ti fa ye na ala tongana ti so lo yeke sara lakue.

Marc 12:35

So Jésus ayeke fa ye na ya ti kota da ti Nzapa, lo hunda mbeni tënë, lo tene: “Tongana nyen si awafango-ndia alingbi ti tene, *Mesii ayeke molenge ti David so?

Nzoni Tënë so Luc asu na mbeti 19:47

Lakue Jésus ayeke fa ye na ya ti da ti Nzapa. Akota wayango-sandaga, awafango-ndia na akota zo ti kodro ni kue ayeke gi lege ti fâ lo.

Nzoni Tënë so Luc asu na mbeti 20:1

Mbeni lâ, Jésus ayeke fa ye na azo na ya ti kota da ti Nzapa; lo yeke fa nga Nzoni Tënë na ala. Akota wayango-sandaga, awafango-ndia na *akangba aga.

Nzoni Tënë so Luc asu na mbeti 4:20

Jésus akanga mbeti ni, lo mu ni na zo so ayeke sara kua na ya ti da ti sambelango Nzapa si na pekoni, lo duti. Le ti azo so kue ayeke na ya ti da ni atuku na ndö ti lo.

Jean 7:14

So ala de ti sara matanga ni, Jésus alondo, lo gue na ya ti kota da ti Nzapa si lo yeke fa ye na azo.

Jean 7:28

Jésus ayeke fa ye na ya ti kota da ti Nzapa si lo tene tënë na kota go, lo tene: “Ala hinga mbi biani? Ala hinga ndo so mbi londo daa biani? Mbi ga na iri ti mbi wani pepe. Lo so atokua mbi, lo lingbi titene zo azia be ti lo na ndö ti lo; me ala hinga lo pepe.

Jean 8:2

Na kota ndaperere, lo kiri na ya ti kota da ti Nzapa, azo kue akiri abongbi na tere ti lo. Lo duti si lo yeke fa ye na ala.

Jean 8:20

Jésus atene atënë so na ndembe so lo yeke fa ye na ya ti kota da ti Nzapa, na ndo so a zia sanduku ti nginza daa. Zo oko agbu lo pepe, ngbanga ti so ngbonga ti lo ade ti lingbi pepe.