Matthieu 26:52 - Mbeti ti Nzapa - Tënë so amu fini

⁵² Jésus atene na lo: “Kiri yongoro zeme ti mo na plase ni, ngbanga ti so azo so kue afâ zo na yongoro zeme, fade ala yeke kui kuâ ti yongoro zeme.

Matthieu 26:52 Iomraidhean Croise

Tongo nda ti aye 9:6

Zo so atuku mene ti mba ti lo, fade gi mba ti lo zo laa ayeke tuku mene ti lo, ngbanga ti so Nzapa asara zo si zo ni akpa gi lo Nzapa.

Abia (Psaumes) 55:23

Zi akungba ti be ti mo, mo zia na ndö ti KOTA GBIA, fade lo yeke mu na mo aye so kue atia mo. Lo yeke zia zo ti mbirimbiri titene mbeni ye ayingi lo pepe.

Sigingo 21:12

“Zo so apika mbeni zo si zo ni akui, fade a yeke fâ lo.

Matthieu 5:39

Ti mbi, mbi tene na ala: zo so asara sioni na ala, ala kiri na peko ti sioni ni na lo pepe. Tongana mbeni zo apika ngbangba ti mo ti mbage ti koli, yoro na lo mbeni mbage ni lo pika.

Rome 12:19

A-ita ti mbi so mbi ye ala mingi, tongana zo asara sioni na ala, ala wani akiri peko ti sioni ni na zo ni pepe; me ala zia lege na ngonzo ti Nzapa ti sara ye na zo ni, ndali ti so na ya ti Mbeti ti Nzapa, Kota Gbia atene: “Mbi laa mbi yeke kiri peko ti sioni na zo so asara sioni, mbi laa mbi yeke kiri peko ti ye alingbi na sarango ye ti zo.”

1 Tesalonike 5:15

Ala sara hange si mbeni zo akiri peko ti sioni na mba ti lo pepe, me ala gi lakue ti sara nzoni na popo ti ala nga na azo kue.

1 Pierre 3:9

Ala kiri sioni ndali ti sioni pepe, ala kiri zonga ndali ti zonga pepe. Me ala sara tufa na ndö ti azo, ngbanga ti so Nzapa airi ala ndali ni, tongaso si fade Nzapa ayeke sara tufa na ndö ti ala.

Aye so Nzapa afa 13:10

Zo so a diko lo ndali ti kanga, fade lo yeke gue na kanga; zo so a diko lo titene a fâ lo na yongoro zeme, lo yeke kui kuâ ti yongoro zeme. So ayeke ngoi titene azo ti Nzapa akanga be ti ala si ala ngba na lege ti mabe laa.”

Aye so Nzapa afa 16:6

Biani, ndali ti so azo ni atuku ando mene ti azo ti mo na ti awayanga-Nzapa, mo mu na ala mene ti nyon. Ye so alingbi na ala laa.”