Matthieu 26:49 - Mbeti ti Nzapa - Tënë so amu fini

⁴⁹ Gi hio tongaso, Judas aga nduru na tere ti Jésus si lo tene na lo: “Wafango-ye, mbi bara mo!” Na pekoni, lo su ngbangba ti lo.

Matthieu 26:49 Iomraidhean Croise

Tongo nda ti aye 27:26

Tongaso Isaac, babâ ti lo, atene na lo: “Molenge ti mbi, ga nduru na tere ti mbi, mo su ngbangba ti mbi.”

2 Samuel 20:9

Yoab atene na Amasa: “Ita ti mbi, mo yeke senge?” Yoab agbu kua ti yanga ti Amasa na maboko ti lo ti koli ti su ngbangba ti lo.

Amato 27:6

Titene mbeni zo so mo na lo aye tere mingi aso be ti mo, so laa ayeke nzoni ahon titene mbeni wato asu ngbangba ti mo gbani gbani.

Matthieu 23:7

Ala ye titene azo abara ala na ndo so azo abongbi daa si airi ala ‘Wafango-ye’.

Matthieu 23:8

Me ti ala azo ti mbi, ayeke nzoni ala yeda titene azo airi ala ‘Wafango-ye’ pepe, ngbanga ti so ala kue ayeke a-ita si Wafango-ye na ala ayeke gi oko.

Matthieu 26:25

Judas, zo ti kango Jésus amu tënë si lo tene: “Wafango-ye, ayeke mbi?” Jésus akiri tënë na lo, atene: “Tënë ni laa mo tene awe so.”

Matthieu 26:48

Judas, zo ti kango Jésus, afa na azo ni ye so fade lo yeke sara; lo tene: “Zo so mbi yeke su ande ngbangba ti lo, andaa lo laa. Ala gbu lo.”

Marc 15:18

Na pekoni, ala to nda ti bara lo, atene: “E bara mo, gbia ti azuife!”

Nzoni Tënë so Luc asu na mbeti 7:45

Mo su ngbangba ti mbi pepe; me lo, so lo li na da ti mo so, lo zia ti gbu gere ti mbi pepe.

Jean 19:3

Ala ga nduru na tere ti lo si ala tene: “E bara mo, gbia ti azuife!” Ala yeke pika ngbangba ti lo.

Jean 4:31

Na ndembe so wali ni ahon, adisiple ti Jésus atene na lo: “Wafango-ye, te kobe!”

1 Tesalonike 5:26

Ala bara a-ita kue na sungo ngbangba so ayeke nzoni na le ti Nzapa.

1 Samuel 10:1

Samuel amu ngbenda ti mafuta, lo tuku mafuta ni na li ti Saul. Lo su ngbangba ti Saul si lo tene na lo: “*KOTA GBIA wani laa atuku mafuta na li ti mo titene mo ga makonzi na ndö ti azo ti lo.