Matthieu 26:45 - Mbeti ti Nzapa - Tënë so amu fini

⁴⁵ Lo kiri lo ga na mbage ti adisiple si lo tene na ala: “Ala ngba ti lango? Ala ngba ti wu tere ti ala? Ngbonga ni aga nduru awe; a yeke mu *Molenge ti Zo ti zia lo na maboko ti azo ti siokpari.

Matthieu 26:45 Iomraidhean Croise

1 Agbia 18:27

Tongaso na bekombite, Élie ahe ala na ngia, lo tene: “Ala kiri adekongo ngangu si! Nzapa laa. Lo ngba ti gbu li ti lo na ndö ti ambeni kua! E hinga pepe, lo yeke daa pepe, lo gue na tambula na mbeni yongoro ndo, wala lo ngba ti lango; ayeke nzoni ala zingo lo!”

Zo ti bongbingo azo 11:9

Maseka-koli, na ngoi so mo de maseka, mo sara ngia biani. Ayeke nzoni be ti mo aduti na ngia na ngoi ti maseka ti mo. Sara ye so be ti mo aye; sara ye so le ti mo abaa. Me ayeke nzoni mo hinga, mo tene, Nzapa ayeke iri ande mo na ngbanga ndali ti aye oko oko so mo sara.

Matthieu 26:18

Jésus atene na ala: “Ala gue na ya ti gbata ni na ndo ti pakara tongaso; ala tene na lo: ‘Wafango-ye atene: Ngbonga ti mbi aga nduru awe; mbi na adisiple ti mbi, e yeke sara ande matanga ti Pake na ndo ti mo.’ ”

Matthieu 26:2

“Ala hinga kue, na ya ti lango use, fade *matanga ti Pake ayeke duti daa. Fade a yeke mu *Molenge ti Zo titene a fâ lo na ndö ti keke ti kroa.”

Matthieu 26:44

Jésus azia ala, lo kiri lo gue yongoro si lo sambela ti fani ota ni, lo tene gi oko tënë so lo tene kozoni so.

Matthieu 26:46

Ala londo e gue! Baa, zo ti kango mbi asi awe!”

Marc 14:35

Lo gue yongoro kete, lo ti na sese si lo sambela titene tongana lege ayeke daa, ngbonga ti pasi so ahon yongoro na tere ti lo.

Nzoni Tënë so Luc asu na mbeti 22:53

Lakue mbi yeke na popo ti ala na ya ti kota da ti Nzapa, me ala gbu mbi pepe. Biani, so ayeke ngbonga ti ala si ayeke nga ngbonga ti komandema ti vukongo ndo.”

Jean 12:23

Jésus akiri tënë na ala, atene: “Ngbonga titene a gonda *Molenge ti Zo alingbi awe.

Jean 12:27

“Fadeso be ti mbi ayeke na siriri pepe. Fade mbi yeke tene nyen? Wala mbi tene: ‘Babâ, zi mbi na ya ti ngoi ti pasi so ayeke ga!’ Me ayeke ngbanga ti ngoi ti pasi so laa mbi ga.

Jean 13:1

Angba lango oko titene *matanga ti Pake asi. Jésus ahinga so ngbonga ti lo ti zia dunia so ti kiri na Babâ alingbi awe. Azo ti lo so ayeke na dunia so, lo ye ala lakue, lo ye ala ngbii asi na ndani.

Jean 17:1

Na peko ti tënë so, Jésus ayo le ti lo na nduzu si lo tene: “Babâ, ngbonga ni alingbi awe. Gonda Molenge ti mo si Molenge ti mo agonda mo.