Matthieu 26:39 - Mbeti ti Nzapa - Tënë so amu fini

³⁹ Lo hon yongoro kete, lo ti, lo kpo li ti lo na sese, lo sambela, lo tene: “Babâ ti mbi, tongana lege ayeke daa, ayeke nzoni kopo ti pasi so ahon yongoro na tere ti mbi. Me mbi ye pepe titene mo sara ye so be ti mbi aye, me mo sara gi ye so be ti mo aye.”

Matthieu 26:39 Iomraidhean Croise

Tongo nda ti aye 17:3

Abram ati, lo kpo li ti lo na sese. Nzapa atene tënë na lo, atene:

2 Samuel 15:26

Me tongana KOTA GBIA aye tënë ti mbi pepe, ayeke nzoni lo sara na mbi tongana ti so be ti lo aye.”

1 Mbai 21:16

David ayo le ti lo na nduzu si lo baa ange ti KOTA GBIA so ayeke luti na popo ti yayu na sese. Ange ni agbu na maboko ti lo yongoro zeme so a zi na ya ti bozo ni, lo yoro ni na mbage ti Jérusalem. David na *akangba ayu bongo ti mua, ala ti akpo li ti ala na sese.

Ésaïe 50:5

Kota Gbia NZAPA azi mê ti mbi, mbi sara ngangu li pepe, mbi kiri na peko pepe.

Ésaïe 53:12

Ndani laa mbi mu na lo ndo na popo ti akota zo; ye so a gbu na peko ti bira, lo na azo ti ngangu laa ayeke kangbi ni. Biani, lo wani, lo ka tere ti lo na kuâ, a diko lo na popo ti azo ti sioni, ngbanga ti so lo yo siokpari ti gba ti azo, lo gbu koko ti azo ti sioni.

Ezekiel 1:28

Lumiere so angoro lo akpa *kongö so ayeke za na ya ti mbinda na lango so ngu-Nzapa aye ti pika; andaa ye ni akpa gonda ti KOTA GBIA. Na bango ni, mbi ti, mbi kpo li ti mbi na sese. Na pekoni, mbi ma mbeni go so ayeke tene tënë na mbi.

Wungo ti azo 14:5

Moïse na Aaron ati akpo li ti ala na sese na dawa ti bongbi ti azo ti Israel ni kue.

Wungo ti azo 16:22

Moïse na Aaron ati akpo li ti ala na sese si atene: “O Nzapa, mo so mo mu fini na azo na anyama kue, fade mo yeke sara ngonzo na tere ti bongbi ti azo kue ndali ti siokpari ti zo oko?”

Matthieu 20:22

Jésus akiri tënë, atene: “Ala hinga ye so ala yeke hunda so pepe. Ala lingbi ti nyon kopo ti pasi so mbi yeke nyon ande so?” Ala tene na lo: “E lingbi ti nyon ni.”

Matthieu 24:24

Biani, fade amesii ti mvene na awayanga-Nzapa ti mvene ayeke ga si ala yeke sara akota ye ti kpene na aye ti dongo be ti handa na azo. Tongana lege ayeke daa, ataa azo so Nzapa asoro ala, ala yeke handa ala.

Matthieu 26:42

Lo kiri lo gue yongoro ti fani use ni si lo sambela, lo tene: “Babâ ti mbi, tongana kopo so alingbi ti hon yongoro na tere ti mbi pepe si mo ye mbi nyon ni, ayeke nzoni mo sara gi ye so be ti mo aye!”

Marc 13:22

Biani, fade amesii ti mvene na awayanga-Nzapa ti mvene ayeke ga si ala yeke sara aye ti kpene na aye ti dongo be ti handa na azo. Tongana lege ayeke daa, ataa azo so Nzapa asoro ala, ala yeke handa ala.

Nzoni Tënë so Luc asu na mbeti 17:16

Lo ti, lo kpo li ti lo na sese na gere ti Jésus si lo yeke mu singila na Jésus. Andaa lo yeke mbeni zo ti Samarii.

Jean 11:41

Tongaso ala zi têne ni. Jésus ayo le ti lo na nduzu si lo tene: “Babâ, mbi mu singila na mo, ngbanga ti so mo ma mbi awe.

Jean 14:31

me lo yeke ga titene azo ti dunia ahinga so mbi ye Babâ si ala hinga nga so mbi yeke sara ye kue na peko ti yanga ti Babâ. Ala londo na ndo so, e hon!”

Jean 18:11

Me Jésus atene na Pierre: “Kiri na yongoro zeme ti mo na ya ti bozo ni. Kopo ti pasi so Babâ amu na mbi so, mo baa ti mo, mo tene, mbi yeke nyon ni ande pepe?”

Jean 5:19

Jésus amu tënë si lo tene na ala: “Biani, mbi tene na ala taa-tënë: Molenge ni ayeke sara ye ti be ti lo wani pepe, lo yeke sara gi ye so lo baa Babâ ti lo na sarango ni. Ye so kue Babâ asara, Molenge ni nga ayeke sara,

Jean 5:30

Mbi lingbi ti sara ye ti be ti mbi wani pepe. Mbi yeke fâ ngbanga gi na lege ti tënë so mbi ma. Ngbanga ti mbi ayeke na legeni, ndali ti so mbi yeke gi ti sara ye ti be ti mbi wani pepe, me ye so be ti lo so atokua mbi aye.”

Jean 6:38

Mbi londo na yayu, mbi ga na ndo so ti sara ye ti be ti mbi pepe, me ti sara ye so be ti lo so atokua mbi aye.

Awatokua 10:25

So Pierre aga ti li na ya ti da ni, Corneille aga atengbi na lo. Lo ti na sese na gbe ti Pierre ti voro lo.

Filipe 2:8

Lo sara tere ti lo kete, lo ga zo ti mango yanga ti Nzapa ngbii asi na kuâ, kuâ ti ndö ti keke ti kroa.

Ahebro 5:7

Na ngoi so Jésus ayeke na sese so, lo hinga so Nzapa alingbi ti soo lo na kuâ. Lo sambela, lo voro tere ti lo na Nzapa, lo dekongo, lo toto na ngu ti le. Nzapa ama lo, ngbanga ti so lo sara tere ti lo kete si lo ma yanga ti Nzapa.

Aye so Nzapa afa 19:10

Mbi kuku na gbe ti ange ni ti voro lo, me lo tene na mbi: “Sara ye tongaso pepe! Mbi yeke gi mba ti mo, zo ti kua; mbi yeke nga mba ti a-ita ti mo na ti azo so kue abata taa-tënë so Jésus afa. Mo voro gi Nzapa!” Taa-tënë so Jésus afa, ni laa amu ngangu na awayanga-Nzapa ti sara na kua ti ala.