Matthieu 26:31 - Mbeti ti Nzapa - Tënë so amu fini

³¹ Tongaso, Jésus atene na adisiple ti lo: “Gi na bi so, fade ala kue ayeke zia mbi ti hon, ngbanga ti so Mbeti ti Nzapa atene: ‘Fade mbi yeke fâ wabatango-taba si ataba ni ayeke kangbi kirikiri.’

Matthieu 26:31 Iomraidhean Croise

Abia (Psaumes) 38:11

Be ti mbi ayeke pika ngangu, ngangu ahunzi na mbi awe; le ti mbi avuko, mbi yeke baa ndo tuuu.

Abia (Psaumes) 69:20

Mo hinga so azo azonga mbi, ala zia kamene na le ti mbi, ala he mbi na ngia; awato ti mbi kue laa ayeke na dawa ti mo so.

Abia (Psaumes) 88:18

Lakue, aye ni so angoro mbi tongana ti so ngu ayeke ngoro zo; mbage na mbage kue, ala kanga ndö ti mbi.

Ésaïe 53:10

Me KOTA GBIA ayeda ti nika lo na lege ti pasi. Zo so lani amu fini ti lo na *sandaga ndali ti azo, KOTA GBIA akiri na lo na kozo ndo ti lo. Fade zo ti kua ti lo ayeke baa *ahale ti lo si lo yeke kiri ti te gigi aninga. Na lege ti lo, KOTA GBIA ayeke sara ye so be ti lo aye.

Abia ti demango tere 1:19

Mbi iri azo so aye mbi lani so, andaa ala ke mbi awe. Awayango-sandaga na *akangba ti mbi akui kue; ala kui kue na ya ti gbata ti Jérusalem, na ndembe so ala yeke gi kobe ti wara na ngangu.

Zakarii 13:7

So tënë ti yanga ti *KOTA GBIA so ayeke na ndö ti dunia kue laa: “Yongoro zeme, londo mo gue na tere ti wabatango-taba ti mbi nga na tere ti mba ti mbi so ayeke mu maboko na mbi! Fâ wabatango-taba ni si ataba ni akangbi kirikiri, mbi yeke kiri ti pika akete taba ni.”

Matthieu 11:6

Ti lo nzoni, zo so azia lege ti mabe ti lo pepe ndali ti mbi!”

Matthieu 26:24

Fade *Molenge ti Zo ayeke kui gi tongana ti so Mbeti ti Nzapa atene tënë ni na ndö ti lo; me mawa na zo so ayeke ka ande Molenge ti Zo ni so! Ti zo ni so, tongana a du lo fade pepe, ka ayeke nzoni mingi!”

Matthieu 26:56

Me ye so kue asi tongaso si tënë ti yanga ti awayanga-Nzapa so a su na mbeti ando so aga taa-tënë.” Tongaso adisiple kue azia lo si ala kpe ahon.

Jean 16:32

Baa, ngbonga ayeke ga si ngbonga ni alingbi awe so ala kue ayeke kangbi kirikiri, zo oko oko ayeke hon ti zia gi mbi oko. Me mbi yeke gi mbi oko pepe, ngbanga ti so Babâ ayeke na mbi.