Matthieu 26:3 - Mbeti ti Nzapa - Tënë so amu fini

³ Tongaso akota wayango-sandaga na *akangba ti azuife abongbi tere na ya ti gbagba ti kota wayango-sandaga so iri ti lo Kaife.

Matthieu 26:3 Iomraidhean Croise

Abia (Psaumes) 56:6

Lakue, ala yeke tene atënë ti songo be na mbi, ala yeke gbu li ti ala gi ti sara sioni na mbi.

Jérémie 11:19

Ti mbi, mbi yeke tongana molenge ti taba so a yeke gue na lo na ndo ti fango anyama. Mbi hinga pepe mbi tene, sioni mayere ti ala so ayeke ndali ti mbi. Ala tene: “E buba keke ni na ngangu ni kue! E zi lo na popo ti azo so ayeke na fini, e sara si zo oko akiri adabe na iri ti lo pepe!”

Jérémie 17:27

Me tongana ala ma mbi pepe, tongana ala ke ti bata lango ti wungo tere nde ndali ti mbi, tongana ala yo akungba na lango ni so si ali na ni na yanga ti gbagba ti Jérusalem, fade mbi yeke bi wâ na tere ti ayanga ti gbagba ni. Wâ ni ayeke gbi apendere da ti gbata ni si ayeke mingo pepe.’ ”

Matthieu 26:69

Pierre ayeke duti na gigi na ya ti gbagba ni. Mbeni wali so ayeke sara kua kâ aga nduru na tere ti lo si atene na lo: “Mo nga, mo yeke mu peko ti Jésus, zo ti Galile so!”

Matthieu 27:27

Aturugu ti govoronere amu Jésus, ague na lo na yangbo ti govoronere ni si tanga ti aturugu ni kue abongbi na tere ti lo.

Marc 14:54

Pierre ague na peko ti Jésus, me lo yeke gue nduru nduru pepe; lo gue ngbii lo li na ya ti gbagba ti kota wayango-sandaga ni. Kâ, lo na azo ti kua ayeke duti na tere ti wâ.

Marc 14:66

So Pierre ayeke duti ti lo kâ na gbeni na ya ti gbagba ni, mbeni wali so ayeke sara kua na kota wayango-sandaga asi.

Marc 15:16

Aturugu amu Jésus, ague na lo na yangbo ti govoronere si ala iri amba ti ala kue.

Nzoni Tënë so Luc asu na mbeti 22:55

Azo asara wâ na ya ti gbagba ni si ala yeke duti na tere ni; Pierre aga aduti na popo ti ala.

Nzoni Tënë so Luc asu na mbeti 3:2

Hane na Kaife ayeke akota wayango-sandaga. Tënë ti Nzapa asi na Jean, molenge ti Zakarii na ndembe so Jean ayeke na benyama.

Jean 11:57

Akota wayango-sandaga na afarizien amu yanga, atene: “Tongana mbeni zo ahinga ndo so Jésus ayeke daa, lo tene tënë ni si a lingbi ti gbu lo.”

Jean 18:24

Andaa Jésus angba na ya ti kamba si Hane atokua lo na kota wayango-sandaga Kaife.

Jean 18:28

Na ndaperere, ala mu Jésus na ndo ti Kaife, ague na lo na da ti govoronere. Amakonzi ti azuife ali na da ni pepe, ngbanga ti so ala ye ti bata tere ti ala *nzoni si ala lingbi ti te kobe ti *Pake.