Matthieu 26:21 - Mbeti ti Nzapa - Tënë so amu fini

²¹ So ala yeke te kobe ni, Jésus atene na ala: “Mbi tene na ala taa-tënë: mbeni oko na popo ti ala ayeke ka mbi.”

Matthieu 26:21 Iomraidhean Croise

Matthieu 26:2

“Ala hinga kue, na ya ti lango use, fade *matanga ti Pake ayeke duti daa. Fade a yeke mu *Molenge ti Zo titene a fâ lo na ndö ti keke ti kroa.”

Matthieu 26:22

Vundu agbu be ti adisiple mingi si ala oko oko ato nda ti hunda lo, atene: “*Kota Gbia, ayeke mbi?”

Jean 13:18

Mbi yeke tene tënë so ndali ti ala kue pepe; mbi hinga azo so mbi soro ala. Mbeti ti Nzapa atene: ‘Zo so mbi na lo, e yeke te kobe, lo laa lo yo gere ti lo ti do mbi.’ Alingbi tënë so aga taa-tënë.

Jean 13:21

Na peko ti tënë so, be ti Jésus ayeke na siriri pepe si lo tene polele, lo tene: “Biani, mbi tene na ala taa-tënë: fade mbeni zo oko na popo ti ala ayeke ka mbi.”

Jean 13:22

Adisiple ti lo abaa le ti tere si ala hunda tere ti hinga zo wa laa Jésus ayeke tene tënë ti lo so.

Ahebro 4:13

Ye so kue Nzapa asara, mbeni oko so ahonde na le ti lo ayeke daa pepe. Ye kue ayeke na gbe ti le ti lo polele; ye so kue e yeke sara, fade e yeke fa peko ni na lo.

Aye so Nzapa afa 2:23

Fade mbi yeke fâ azo so kue ayeke mu peko ti wali ni. Na pekoni, a-Eglize kue ayeke hinga atene, mbi yeke lo so lo hinga tënë so ayeke na ya ti be ti zo nga na nzara ti be ti zo. Fade mbi yeke futa zo oko oko alingbi na ye so lo sara.