Matthieu 26:13 - Mbeti ti Nzapa - Tënë so amu fini

¹³ Mbi tene na ala taa-tënë: na ndo so kue a yeke fa ande Nzoni Tënë so daa, na ndö ti dunia kue, azo ayeke fa tënë ti ye so wali so asara si azo ayeke dabe ti ala na lo.”

Matthieu 26:13 Iomraidhean Croise

Abia (Psaumes) 112:6

Biani, mbeni ye ayeke yingi lo laoko pepe; azo ayeke dabe ti ala na zo ti mbirimbiri kpu na kpu.

Ésaïe 52:9

Ando ti Jérusalem so abuba so, ala dekongo na ngia! KOTA GBIA ayeke de be ti azo ti lo, lo yeke zi Jérusalem na gbe ti ngbaa.

Matthieu 24:14

Fade a yeke fa Nzoni Tënë ti *Kodro-gbia na ndö ti dunia kue, tongaso si azo ti amara kue ama ni. Na pekoni, fade ye kue ayeke hunzi.”

Matthieu 28:19

Tongaso, ala gue na ndo ti amara kue, ala sara si ala ga adisiple, ala batize ala na iri ti Babâ, ti Molenge na ti Yingo-Vuru;

Marc 13:10

Alingbi a fa Nzoni Tënë na amara kue kozoni si.

Marc 14:9

Mbi tene na ala taa-tënë: na ndo so kue azo ayeke fa ande Nzoni Tënë daa, na ndö ti dunia kue, azo ayeke fa tënë ti ye so wali so asara si azo adabe ti ala na lo.”

Marc 16:15

Na pekoni, lo tene na ala: “Ala gue na ndö ti dunia kue, ala fa Nzoni Tënë na azo kue.

Nzoni Tënë so Luc asu na mbeti 24:47

Na iri ti lo, fade azo ayeke fa Nzoni Tënë na amara kue, ti to nda ni na Jérusalem. Ala yeke tene na azo titene ala zia ngbene lege ti sarango ye ti ala, ala kiri na Nzapa si fade Nzapa azi siokpari na li ti ala.

Awatokua 10:4

Le ti Corneille angba gi na ndö ti ange ni; mbeto asara lo si lo tene: “Nyen, *Kota Gbia?” Ange ni akiri tënë na lo: “Asambela ti mo na aye ti nzoni so mo sara na azo ti mawa so, Nzapa aye tënë ni, be ti lo agirisa na ni pepe.

Rome 10:18

Tongaso mbi hunda ndo, mbi tene: azo ti Israel ama tënë so a yeke fa so pepe? Biani, ala ma tënë ni kue! Mbeti ti Nzapa atene: “Azo ama go ti azo ti fango tënë na ndö ti sese kue, tënë ti ala asi na nda ti dunia kue.”

Rome 15:19

na lege ti aye ti kpene nga na lege ti aye ti dongo be so Yingo-Vuru asara. Tongaso, ti londo na Jérusalem ngbii asi na sese ti Ilirii, mbi tambula ti fa Nzoni Tënë kue ti Christ na azo.

2 Korente 10:18

Taa nzoni zo ti kua ayeke zo so ayeke tene nzoni tënë na ndö ti lo wani pepe, me zo so Kota Gbia laa ayeke tene nzoni tënë na ndö ti lo.

Kolose 1:23

Me alingbi ala ngba na lege ti mabe, ala luti ngangu na ndö ni si ala kpengba. Na ndembe so ala ma Nzoni Tënë, ala wara lege ti zia be ti ala ti ku, ala zia lege ni, ala hon nde pepe. A fa Nzoni Tënë so na azo ti dunia kue si mbi Paul, mbi ga zo ti kua ti fango Nzoni Tënë ni.

Kolose 1:6

Nzoni Tënë asi na popo ti ala, azo ti Kolose. Na ndö ti dunia kue, Nzoni Tënë ni ayeke gue gi na nduzu si azo ayeke baa aye ti peko ni. Ye ni ayeke gi tongaso na popo ti ala, ti londo na ndembe so ala yamba Nzoni Tënë ni si ala hinga taa-tënë na ndö ti lege so Nzapa ayeke sara nzoni be na azo.

1 Timothée 2:6

lo so lo ka tere ti lo ti soo azo kue, nilaa tongana ngoi ni alingbi awe, lo sara tongaso ti fa atene, Nzapa aye ti soo azo kue na kuâ.

Ahebro 6:10

Biani, Nzapa ayeke kirikiri pepe. Yengo so ala ye ando lo na ni nga na sarango nzoni so ala yeke sara na a-ita ti ala, azo ti Nzapa si ala ngba daa laso so, fade Nzapa ayeke girisa ni pepe.

Aye so Nzapa afa 14:6

Na pekoni, mbi baa mbeni *ange nde so ayeke huru yongoro kâ na le ti nduzu. Lo yeke na mbeni Nzoni Tënë so ayeke ngba lakue lakue ti fa na azo ti amara kue, azo ti akete mara kue, azo ti ayanga ti kodro kue nga na azo ti akodro kue. Tënë ni ayeke.

1 Samuel 2:30

Ndani laa, tënë so KOTA GBIA, Nzapa ti Israel atene ayeke so: Taa-tënë, mbi tene ando na azo ti sewa ti mo nga na azo ti kete mara ti mo, mbi tene: Ala laa ayeke sara ande kua na mbi kpu na kpu, me fadeso, mbi ke awe! Mbi yeke ne azo so ane mbi. Me azo so ake mbi si abaa mbi tongana buba zo, fade a yeke baa ala tongana buba zo. So tënë ti yanga ti mbi KOTA GBIA laa.