Matthieu 25:41 - Mbeti ti Nzapa - Tënë so amu fini

⁴¹ “Na pekoni, fade Gbia ni ayeke tene na azo so ayeke na mbage ti maboko ti lo ti wali: ‘Ala hon yongoro na tere ti mbi, ala so Nzapa adeba ala awe so! Ala gue na ya ti kota wâ so ayeke gbi lakue lakue, so a leke ni ndali ti Zabolo na *a-ange ti lo.

Matthieu 25:41 Iomraidhean Croise

Abia (Psaumes) 119:115

Ala azo ti sarango sioni, ala hon yongoro na tere ti mbi, tongaso si fade mbi yeke sara ye alingbi na atënë ti ndia ti Nzapa ti mbi.

Abia (Psaumes) 119:21

Mo suku na azo ti baba so a deba ala awe, ala so azia lege ti atënë ti ndia ti mo si ala yeke mu mbeni lege nde so.

Abia (Psaumes) 139:19

Nzapa, tongana mo fâ fade azo ti sioni, mo hunzi ala, ka ayeke nzoni mingi! Ala azo ti tukungo mene, ala hon yongoro na tere ti mbi!

Abia (Psaumes) 6:8

Le ti mbi akanga ndali ti ye ti vundu; le ti mbi abaa ndo tuuu ndali ti gba ti awato ti mbi.

Ésaïe 66:24

Na sigingo ti ala, fade ala lingbi ti baa kuâ ti azo so atomboka na tere ti mbi. Angusu so ayeke te ala ayeke kui pepe; wâ so ayeke gbi ala ayeke mingo pepe. Ala yeke ga ye so ayeke sioni mingi ndali ti azo kue.

Jérémie 17:5

Tënë so *KOTA GBIA atene ayeke so: “Deba aga na ndö ti zo so be ti lo ahon yongoro na mbi, lo so lo zia be ti lo na ndö ti azo si lo yeke gi ngangu ti lo na lege ti senge zo ti sese!

Matthieu 13:40

Na lango ti ndani, fade ye ni ayeke duti tongana ti so a sara na asioni pere so a bongbi ni si a gbi ni so:

Matthieu 13:42

ala yeke bi ande azo ni na ya ti kota wâ; kâ, gi toto na tengo pembe.

Matthieu 13:50

Fade ala yeke bi asioni zo na ya ti kota wâ; kâ, gi toto na tengo pembe.”

Matthieu 18:8

Tongana maboko ti mo wala gere ti mo ayeke handa mo titene mo ti na ya ti siokpari, mo fâ ni, mo bi yongoro na tere ti mo. Titene mo li na ndo so zo ayeke duti na fini daa na maboko oko wala na gere oko, so laa ayeke nzoni ahon titene mo bata amaboko ti mo use na agere ti mo use kue si a bi mo na ni na ya ti wâ so ayeke gbi lakue lakue.

Matthieu 25:42

Biani, nzara asara mbi, ala mu na mbi kobe ti te pepe; nzara ti ngu asara mbi, ala mu na mbi ngu ti nyon pepe;

Matthieu 25:46

Fade asioni zo so ayeke gue na ngbanga so angba lakue lakue si azo ti mbirimbiri ayeke gue ti duti na fini so angba lakue lakue.”

Matthieu 3:12

Lo gbu ye ti pengo na ale ti kobe na maboko ti lo, lo yeke leke ndo ti pikango ale ti kobe ti lo daa. Na pekoni, lo yeke zia ni na ya ti gogoro, me fade lo yeke bongbi aporo ni ti gbi na ya ti wâ so ayeke mingo laoko pepe.”

Matthieu 4:10

Jésus atene na lo: “Hon kâ, Satan! Mbeti ti Nzapa atene: ‘Mo voro Kota Gbia, Nzapa ti mo si mo sara kua gi na lo oko!’ ”

Matthieu 5:22

Ti mbi, mbi tene na ala: zo so asara ngonzo na tere ti ita ti lo, fade a yeke gue na lo na ngbanga; zo so atene na ita ti lo: ‘Buba zo!’, fade a yeke gue na lo na gbe ti azo ti *Kota Bongbi ti Fango Ngbanga; zo so atene na ita ti lo: ‘Mo, zo ti gbogbolinda so!’, lo lingbi titene a bi lo na ndo so wâ ayeke gbi daa lakue.

Matthieu 7:23

Fade mbi yeke tene na ala: ‘Mbi hinga ala oko pepe. Ala hon yongoro na tere ti mbi, ala azo ti sarango sioni!’ ”

Nzoni Tënë so Luc asu na mbeti 13:27

Me fade lo yeke tene na ala: ‘Mbi hinga ndo so ala londo daa pepe. Ala hon yongoro na tere ti mbi, ala azo so kue ayeke sara sioni!’

Nzoni Tënë so Luc asu na mbeti 16:24

Lo dekongo, lo tene: ‘Babâ Abraham, baa mawa ti mbi! Tokua Lazare, lo yoro li ti maboko ti lo na ya ti ngu si lo zia na menga ti mbi, ngbanga ti so mbi yeke baa pasi mingi na le ti wâ.’

Jean 8:44

Babâ ti ala ayeke Zabolo, ala ye ti sara gi ye so be ti lo aye; kua ti lo ngbene ye na tongo nda ni laa. Lo gi lege laoko ti tene taa-tënë pepe, ngbanga ti so taa-tënë ayeke na ya ti fini ti lo pepe. Mvene ayeke ye ti tere ti lo, ngbanga ti so lo yeke zo ti mvene si lo yeke babâ ti mvene.

2 Tesalonike 1:7

Ala so ayeke baa pasi, fade lo yeke mu na ala lege ti wungo tere, e na ala kue. Lo yeke sara ye ni tongaso na ndembe so Kota Gbia Jésus ayeke londo na yayu ti si, lo na angangu *ange ti lo;

2 Tesalonike 1:9

Ngbanga so a yeke fâ na li ti azo ni ayeke so: Nzapa ayeke buba ande ala lakue lakue, ala yeke duti yongoro na le ti Kota Gbia nga na kota gonda ti lo

Ahebro 6:8

Me tongana sese ni asara titene aki na akeke ti ki asigigi, andaa sese ni so ayeke buba sese; fade Nzapa ayeke deba ni si na pekoni, a yeke gbi ni na wâ.

2 Pierre 2:4

Biani, *a-ange so asara siokpari ando so, Nzapa azia ala senge tongaso pepe, me lo bi ala na ya ti kota wâ, lo kanga ala na zingiri na ya ti vukongo ndo ti bata ala, ti ku na lango ti fango ngbanga.

1 Jean 3:10

Ye so ayeke fa atene, zo ayeke molenge ti Nzapa wala molenge ti Zabolo ayeke so: zo so ayeke sara ye ti mbirimbiri pepe, wala lo ye ita ti lo pepe, lo yeke zo ti Nzapa pepe.