Matthieu 25:36 - Mbeti ti Nzapa - Tënë so amu fini

³⁶ tere ti mbi ayeke senge, ala yu bongo na mbi; tere ti mbi aso, ala ga abaa mbi; mbi yeke na da ti kanga, ala ga abaa mbi.’

Matthieu 25:36 Iomraidhean Croise

Ésaïe 58:7

ti kangbi kobe ti mo na zo so nzara ayeke sara lo, ti mu ndo ti lango na azo ti mawa so da ti li ti ala ayeke daa pepe, ti mu bongo na azo so bongo atia ala; ayeke nga titene mo zia peko ti mo pepe na taa ita ti mo.”

Ezekiel 18:16

Lo yeke sara ngangu na zo pepe; ye so lo gbu na maboko ti zo ndali ti yongo ti lo, lo yeke gbanzi ni pepe; lo yeke nzi ye ti zo pepe, lo yeke mu kobe ti lo na zo so nzara asara lo, lo yeke mu bongo na zo so bongo atia lo.

Ezekiel 18:7

Lo yeke sara ngangu na zo pepe; tongana lo gbu ye ti zo ndali ti yongo ti lo so ayeke na li ti zo ni, lo yeke kiri na ni; lo yeke nzi ye ti zo pepe, lo yeke mu kobe na zo so nzara asara lo, lo yeke mu bongo na zo so bongo atia lo.

Ezekiel 34:4

Ataba so awoko, ala sara pepe titene ataba ni awara ngangu; ataba so ayeke na kobela, ala kai kobela na tere ti ala pepe; ataba so awara ka, ala kanga ka ni pepe; ataba so agirisa lege, ala kiri na ala na ndö ti lege pepe; ataba so agirisa, ala gi ala pepe. Me ala sara komandema na ndö ti ataba ni na ngangu, ala sara ngangu mingi na ala.

Matthieu 25:37

Tongaso, fade azo ti mbirimbiri ayeke kiri tënë na lo: ‘Kota Gbia, lawa laa e baa mo na nzara si e mu na mo kobe ti te? Lawa laa e baa mo na nzara ti ngu si e mu na mo ngu ti nyon?

Matthieu 25:43

mbi yeke wande, ala yamba mbi na ndo ti ala pepe; tere ti mbi ayeke senge, ala yu na mbi bongo pepe; tere ti mbi aso si mbi yeke na da ti kanga, ala gue, abaa mbi pepe.’

Nzoni Tënë so Luc asu na mbeti 3:11

Lo kiri tënë na ala, lo tene: “Zo so ayeke na bongo use, ayeke nzoni lo mu mbeni oko na zo so ayeke na ni pepe. Zo so ayeke na ye ti tengo ni, ayeke nzoni lo mu mbeni na zo so ayeke na ni pepe.”

Awatokua 20:35

Lakue, mbi fa na ala ti sara kua si fade ala lingbi ti mu maboko na azo ti mawa. Ala dabe ti ala na atënë so *Kota Gbia Jésus wani atene: ‘Mungo ye anzere ahon warango ye!’ ”

Ahebro 10:34

Biani, ala kangbi mawa ti azo so abaa pasi na da ti kanga, ala yeda na nzoni be titene azo amu aye ti ala na ngangu. Ala sara tongaso, ngbanga ti so ala hinga atene, ala yeke na mosoro so ayeke nzoni ahon ndoni si ayeke ngba lakue lakue.

Ahebro 13:3

Ala dabe ti ala na azo so ayeke na da ti kanga, ala baa tere ti ala tongana azo so ayeke nga na da ti kanga oko na azo ni. Ala dabe ti ala na azo so a yeke sara sioni na ala, ngbanga ti so ala nga, a-ita, ala yeke na tere tongana ti azo so a yeke sara sioni na ala so.

Jacques 1:27

Mbirimbiri vorongo Nzapa so sioni ye oko ayeke daa pepe, ayeke mungo maboko na anyindu nga na awali-mua so ayeke baa pasi; mbirimbiri vorongo Nzapa ayeke nga ti ke sarango aye ti potopoto ti dunia so.