Matthieu 25:30 - Mbeti ti Nzapa - Tënë so amu fini

³⁰ Ti zo ti kua so ahinga ti sara mbeni nzoni ye oko pepe so, ala bi lo na gigi na ya ti vukongo ndo; kâ, gi toto na tengo pembe.’”

Matthieu 25:30 Iomraidhean Croise

Abia (Psaumes) 112:10

Zo ti sioni ayeke baa lo, be ti lo ayeke so, lo yeke te pembe ti lo si lo yeke ti. Ye so zo ti sioni asara nzara ni, fade ye ni ayeke buba kue.

Matthieu 13:42

ala yeke bi ande azo ni na ya ti kota wâ; kâ, gi toto na tengo pembe.

Matthieu 13:50

Fade ala yeke bi asioni zo na ya ti kota wâ; kâ, gi toto na tengo pembe.”

Matthieu 22:13

Tongaso gbia ni atene na azo ti kua ni: ‘Ala kanga gere ti lo na maboko ti lo, ala bi lo na gigi na ya ti vukongo ndo; kâ, gi toto na tengo pembe.’ ”

Matthieu 24:51

Fade makonzi ni ayeke tumba lo na kua si ayeke sara na lo ye so a yeke sara na azo so tënë ti yanga ti ala ayeke nde na sarango ye ti ala; kâ, gi toto na tengo pembe.”

Matthieu 3:10

Do ayeke na gunda ti akeke ti de ni: keke so kue ale nzoni lengo pepe, fade ayeke de ni ti bi na wâ.

Matthieu 5:13

“Ala laa ayeke ingo ti sese so. Me tongana nzerengo ti ingo ahon awe, fade zo ayeke sara tongana nyen ti kiri na ni daa? Mbeni ye ti sara na ni ayeke daa pepe; alingbi gi titene a tuku ni na gigi si azo ado ni na gere ti ala.

Matthieu 8:12

Me azo so a diko ando ala ndali ti Kodro-gbia ti yayu ni, fade a yeke bi ala na gigi na ya ti vukongo ndo; kâ, gi toto na tengo pembe.”

Nzoni Tënë so Luc asu na mbeti 13:28

Kâ, gi toto na tengo pembe: ala yeke baa Abraham, Isaac na Jacob, na awayanga-Nzapa kue so aduti na *Kodro-gbia ti Nzapa, me ti ala, a bi ala na gigi.

Jean 15:6

Zo so aduti oko na mbi pepe, fade a yeke bi lo na gigi tongana ti so a yeke bi maboko ti keke si ahole. A yeke bongbi amaboko ti keke ni, a tuku na le ti wâ si agbi.

Tite 3:14

Alingbi azo ti e nga amanda lege ti mu tere ti ala kue ti sara anzoni ye. Tongaso, tongana mbeni ye atia, ala lingbi ti mu maboko ndali ni, ala duti gi senge pepe.

2 Pierre 2:17

Awafango-ye ti mvene so ayeke tongana ali ti ngu so ahole, ala yeke tongana ambinda so kota pupu ayeke hon na ni. Nzapa aleke ndo so avuko pitipiti ti ku na ala.

Jude 1:13

Ala yeke tongana asioni *mapo ti le ti kota ngu-ingo so pupu ayeke yingi ni kirikiri, aye ti kamene ti ala ni ayeke sara tongana *afuru ti ngu. Ala yeke nga tongana ambeni tongoro so ayeke tambula kirikiri; ndo so a leke ndali ti azo ni titene ala duti daa kpu na kpu ayeke na ndo so avuko pitipiti.

Aye so Nzapa afa 21:8

Me ti azo ti mbeto, azo so azia lege ti mabe, azo ti sarango asioni ye, azo ti fango zo, azo ti sarango aye ti ndumba, azo ti guengo na gbe ti yoro, azo ti vorongo anzapa nde nga na azo ti mvene kue, ye so a leke ti ku na ala ayeke kota le ti wâ ti *sufre. So laa ayeke kuâ ti use ni.”