Matthieu 25:3 - Mbeti ti Nzapa - Tënë so amu fini

³ Ala so ayeke azo ti buba amu alamba ti ala, me ala mu mafuta na tere ti ala pepe.

Matthieu 25:3 Iomraidhean Croise

Amato 31:18

Lo baa so dengo buze ti lo ayeke gue gi na nduzu; na bi kue, lamba ti lo ayeke mingo pepe.

Ésaïe 58:2

Na lango oko oko, ala yeke gi mbi, ala ye ti hinga lege ti mbi. Ala kpa azo so ayeke sara ye alingbi na ndia, azo so ado ndia ti Nzapa ti ala azia pepe. Ala yeke hunda na mbi ti fâ ngbanga mbirimbiri, ala ye titene mbi duti nduru na ala.

Ezekiel 33:3

Tongana sanziri ni abaa bira ayeke ga na ndö ti kodro ni, lo huru tatalita ti tene tënë ni na azo ti kodro ni.

Matthieu 25:1

“Tongaso tënë ti *Kodro-gbia ti yayu ayeke duti ande tongana tënë ti amaseka-wali baleoko so amu alamba ti ala si ala sigigi ti gue na lege ti koli so ague ti mu wali na fini ni.

Matthieu 25:2

Na popo ti ala, ambeni oku ayeke azo ti buba si ambeni oku ayeke azo ti ndara.

Matthieu 25:4

Ala so ayeke azo ti ndara amu mbeni ngbenda ti mafuta na tere ti ala ndali ti alamba ti ala.

2 Timothée 3:5

ala yeke sara ye, mo baa mo tene, ala yeke azo so agbu tënë ti Nzapa mingi, andaa ala zia lege ti ngangu ti mabe awe. Mara ti azo tongaso, ayeke nzoni mo zia lege ti ala.

Ahebro 12:15

Ala sara hange si mbeni zo ado lege ti nzoni be ti Nzapa azia pepe. Alingbi mbeni zo aga tongana sengo gere ti pere ti ngonda pepe; mara ti zo tongaso ayeke bi wusuwusu na popo ti azo si lo yeke buba li ti ala.

Aye so Nzapa afa 3:1

“Su mbeti so, mo tokua na *ange so ayeke na li ti *Eglize ti gbata ti Sarde: “Lo so lo yeke na ayingo ti Nzapa mbarambara na atongoro mbarambara, atene: mbi hinga aye so mo yeke sara. Azo abaa mo atene, mo yeke na fini, andaa mo kui awe.