Matthieu 25:21 - Mbeti ti Nzapa - Tënë so amu fini

²¹ Makonzi ti lo atene na lo: ‘So nzoni! Mo yeke nzoni zo ti kua si mo yeke sara ye na legeni! Kete ye so a mu na mo, mo sara kua na ni na legeni; fade mbi yeke zia mo na ndö ti akota ye ti mbi. Ga, mo na makonzi ti mo asara ngia.’

Matthieu 25:21 Iomraidhean Croise

Amato 14:35

Be ti gbia anzere na zo ti kua so ahinga kua ti lo; me lo yeke sara ngonzo na tere ti zo ti kua so azia kamene na le ti lo.

Amato 28:20

Zo so abata tënë ti yanga ti lo, fade a yeke sara tufa gbani gbani na ndö ti lo; me zo so aye ti ga zo ti mosoro na loro, a yeke zia peko ni na lo senge pepe.

Matthieu 24:45

“Zo ti kua so ayeke sara ye na legeni si lo yeke nga zo ti hingango ndo ayeke zo wa? Lo yeke zo so makonzi ti lo azia lo na ndö ti amba ti lo titene lo mu na ala kobe tongana ngbonga ni alingbi.

Matthieu 24:47

Mbi tene na ala taa-tënë: fade makonzi ti lo ayeke zia lo ti baa ndo na ndö ti aye ti lo kue.

Matthieu 25:23

Makonzi ti lo atene na lo: ‘So nzoni! Mo yeke nzoni zo ti kua si mo yeke sara ye na legeni! Kete ye so a mu na mo, mo sara kua na ni na legeni; fade mbi yeke zia mo na ndö ti akota ye ti mbi. Ga, mo na makonzi ti mo asara ngia.’

Matthieu 25:46

Fade asioni zo so ayeke gue na ngbanga so angba lakue lakue si azo ti mbirimbiri ayeke gue ti duti na fini so angba lakue lakue.”

Nzoni Tënë so Luc asu na mbeti 12:44

Mbi tene na ala taa-tënë: fade makonzi ti lo ayeke zia lo ti baa ndo na ndö ti aye ti lo kue.

Nzoni Tënë so Luc asu na mbeti 16:10

Zo so ayeke sara ye na legeni na akete ye, fade lo yeke sara ye na legeni na akota ye. Me zo so ayeke sara ye kirikiri na akete ye, fade lo yeke sara nga ye kirikiri na akota ye.

Jean 12:26

Zo so aye ti sara kua na mbi, alingbi lo mu peko ti mbi si ndo so mbi yeke daa, lo nga lo yeke daa. Fade Babâ ti mbi ayeke ne zo so ayeke sara kua na mbi.”

Jean 14:3

Tongana mbi gue, mbi leke ndo na ala awe, fade mbi yeke kiri ti mu ala na tere ti mbi si ala nga, ala duti na ndo so mbi yeke duti daa.

Jean 17:24

Babâ, mo laa mo mu ala na mbi. Mbi ye titene ala duti na mbi na ndo so mbi yeke daa si ala baa gonda so mo gonda na mbi, ngbanga ti so mo ye mbi kozo si dunia abaa gigi.

Rome 2:29

me taa zuife ayeke zuife so ayeke na ya ti be ti lo kâ, taa fango ganza ayeke ganza ti be, aga na lege ti Yingo ti Nzapa, me na lege ti Ndia so a su na mbeti pepe. Taa zuife, azo laa ayeke gonda lo pepe, me Nzapa.

1 Korente 4:5

Ndani laa, alingbi ala fâ ngbanga na li ti zo kozo pepe si ngoi ni alingbi, ala ku Kota Gbia aga si. Ye so angba na hondengo ni na ya ti vukongo ndo, fade lo yeke fa ni na gigi polele; aye so azo aleke na be ti ala ti sarango ni, fade lo sigigi na nda ni. Tongaso, Nzapa ayeke gonda zo oko oko alingbi na kua so lo sara.

2 Korente 10:18

Taa nzoni zo ti kua ayeke zo so ayeke tene nzoni tënë na ndö ti lo wani pepe, me zo so Kota Gbia laa ayeke tene nzoni tënë na ndö ti lo.

2 Korente 5:9

Me taa ye so e ye ayeke titene dutingo ti e azia ngia na be ti lo, ataa e ngba na ya ti tere so wala e sigigi na ya ni.

Filipe 1:23

Be ti mbi ayeke use use: mbi yeke na nzara ti gue ti duti na tere ti Christ, so laa ayeke nzoni ahon ye kue.

1 Timothée 3:13

Adiakre so ayeke sara kua ti ala na legeni, ala yeke wara nzoni ndo. Ala yeke tene tënë na mbeto pepe, ngbanga ti so ala ma na be si ala ga oko na Jésus Christ awe.

2 Timothée 2:12

tongana e gbu ngangu, fade e na lo kue, e yeke le-gbia; tongana e bere tënë ti lo, fade lo nga, lo yeke bere tënë ti e;

Ahebro 12:2

Le ti e angba na ndö ti Jésus. Lo laa lo zi lege ti mabe na e si lo sara titene e ngba na lege ti mabe ni ngbii asi na ndani. Lo yeda si azo afâ lo na ndö ti keke ti kroa, lo sara kamene ti kuâ so lo kui na ndö ti keke ti kroa pepe. Lo yeda ndali ti so lo hinga kozoni so fade lo yeke duti na ngia. Fadeso, lo yeke duti na tere ti mbata ti Gbia Nzapa, na mbage ti maboko ti lo ti koli.

Aye so Nzapa afa 2:10

Mo yeke baa ande pasi, me ayeke nzoni mbeto ti pasi ni asara mo pepe. Baa, fade Zabolo ayeke bi ambeni zo na popo ti ala na da ti kanga, ti tara be ti ala, azo ti Nzapa; na ya ti lango baleoko kue, a yeke sara ngangu na ala. Ayeke nzoni mo bata tënë ti mbi ngbii asi na kuâ, fade mbi yeke mu na mo nzoni ye so a yeke mu na zo so aso benda, so ti tene fini so angba lakue lakue.

Aye so Nzapa afa 21:7

Zo so aso benda, fade mbi yeke mu aye so na lo; mbi yeke duti Nzapa ti lo si lo yeke duti molenge ti mbi.

Aye so Nzapa afa 3:21

“Zo so aso benda, fade mbi yeke mu na lo lege ti duti na tere ti mbi, na ndö ti mbata ti mbi ti gbia, tongana ti so mbi so benda si mbi duti na tere ti Babâ ti mbi na ndö ti mbata ti lo ti gbia so.

Aye so Nzapa afa 7:17

ngbanga ti so Molenge ti Taba so ayeke na ndö ti mbata ti gbia ayeke bata ala tongana ataba ti lo. Lo yeke gue na ala na li ti ngu so ayeke mu fini na zo. Fade Nzapa ayeke mbo ngu ti le ti ala kue.