Matthieu 25:20 - Mbeti ti Nzapa - Tënë so amu fini

²⁰ Zo ti kua so awara ale ti lôro ngbangbo oku so aga nduru, lo fa ambeni le ti lôro ngbangbo oku so lo wara na ndö ni si lo tene: ‘Kota zo, mo mu na mbi lani ale ti lôro ngbangbo oku. Baa, ambeni le ti lôro ngbangbo oku so mbi wara na ndö ni laa.’

Matthieu 25:20 Iomraidhean Croise

Matthieu 18:24

So lo to nda ti baa tënë ni, a mu mbeni zo ti kua ti lo aga na lo na lo; nginza ti lo ayeke na li ti zo ti kua ni kutu mingi.

Nzoni Tënë so Luc asu na mbeti 19:13

Kozoni si lo hon, lo iri azo ti kua ti lo baleoko. Lo mu ale ti nginza baleoko so a sara na lôro si lo kangbi ni na ala; lo tene na ala: ‘Ala mu nginza so ade na buze ngbii asi na ngoi so mbi yeke kiri.’

Awatokua 20:24

Me mbi baa so fini ti mbi ayeke senge ye na le ti mbi. Ye so mbi yeke gi lege ni, ayeke ti hunzi kua ti mbi, ti sara ye so kue Kota Gbia Jésus amu na mbi ti sara, so ti tene kua ti fango Nzoni Tënë ti nzoni be ti Nzapa na azo.

1 Korente 15:10

Me ndali ti nzoni be ti Nzapa, mbi ga zo so ala yeke baa lo laso so; nzoni be so Nzapa asara na mbi, peko ni angba senge pepe. Mbi sara kua ahon atanga ti awatokua kue, andaa mbi laa mbi sara kua ni pepe, me Nzapa so ayeke na mbi laa asara kua ni na lege ti nzoni be ti lo.

Kolose 1:29

Ndali ni, mbi yeke sara kua si mbi yeke tiri ti hunzi kua ni na ngangu so Christ amu na mbi, ngangu so asara si mbi kpengba na ya ti kua ni.

Jacques 2:18

Me fade mbeni zo ayeke tene: “Ti mo, mo yeke na mabe, ti mbi, mbi yeke sara akua!” Tongaso, mbi yeke kiri tënë na lo, mbi tene: “Fa na mbi lege so mabe ti mo alingbi ti duti daa, me mo yeke sara akua ni pepe so. Ti mbi, fade mbi yeke fa na mo mabe ti mbi na lege ti akua so mbi yeke sara.”