Matthieu 25:10 - Mbeti ti Nzapa - Tënë so amu fini

¹⁰ So amaseka-wali ti buba ague ti vo mafuta ni, koli ni asi. Amaseka-wali so aleke tere ti ala awe si ayeke ku lo so ali na lo na ya ti da ti matanga ni; a kanga yanga ti da ni na ndö ti ala.

Matthieu 25:10 Iomraidhean Croise

Tongo nda ti aye 7:16

Ala so kue ali na ya ti mangboko ni, ayeke koli oko na wali oko ti aye so kue ayeke na fini, tongana ti so Nzapa amu yanga na Noe so. KOTA GBIA akanga yanga ti mangboko ni na ndö ti Noe.

Abia (Psaumes) 95:11

Tongaso na ya ti ngonzo ti mbi, mbi deba yanga, mbi tene: ‘Kodro so mbi leke titene ala wu tere ti ala daa, fade ala yeke li na ya ni oko pepe.’ ”

Matthieu 24:42

Tongaso, azo ti mbi, ala lango pepe, ngbanga ti so ala hinga lango ti gango ti *Kota Gbia ti ala pepe!

Matthieu 24:43

Ala ma tënë so nzoni: tongana wa ti da ahinga ngbonga so zo ti nzi ayeke ga na ni na bi, ka lo yeke lango pepe. Lo yeke duti ti baa ndo si zo ti nzi ni akungbi yanga ti da ti lo pepe ti li na ya ni.

Matthieu 24:44

Ndani laa, ala nga, ala leke tere ti ala ti ku, ngbanga ti so Molenge ti Zo ayeke ga ande na ngbonga so ala hinga pepe.”

Matthieu 25:6

Na be ti bi, mbeni zo adekongo, atene: ‘Koli ni ayeke ga-oo! Ala sigigi ague na lege ti lo!’

Matthieu 7:21

“Azo so kue ayeke iri mbi, atene: ‘*Kota Gbia, Kota Gbia’, ala kue laa ayeke li ande na ya ti *Kodro-gbia ti yayu pepe; me gi ala so asara ye so be ti Babâ ti mbi so ayeke na yayu aye.

Nzoni Tënë so Luc asu na mbeti 12:35

“Ala bata abongo ti kua ti ala na tere ti ala! Ala bata alamba ti ala na zango ni!

Nzoni Tënë so Luc asu na mbeti 13:25

“Fade wa ti da ni ayeke londo si lo yeke kanga yanga ti da ni. Tongaso ala so ayeke ngba ande na gigi, ala yeke to nda ti pika yanga ti da ni si ala tene: ‘Kota Gbia, zi na e yanga ti da ni!’ Fade lo yeke tene na ala: ‘Mbi hinga ndo so ala londo daa pepe!’

Kolose 1:12

Na ngia na be, ala mu singila na Nzapa Babâ so asara si ala lingbi ti wara anzoni ye so lo leke ndali ti azo ti lo na ya ti lumiere.

2 Timothée 4:8

Ti fadeso, Nzapa abata na mbi nzoni ye so a yeke mu na zo so aso benda. Lo leke nzoni ye ni ndali ti azo ti mbirimbiri, fade *Kota Gbia so ayeke wafango-ngbanga ti mbirimbiri ayeke mu ni na mbi na lango ti ndani; lo yeke mu nzoni ye ni gi na mbi oko pepe, me lo yeke mu ni nga na azo so kue aye tënë ti gango ti lo.

1 Pierre 1:13

Ndani laa, ala leke be ti ala ti sara kua, le ti ala akpengba si ala zia be ti ala kue ti ku anzoni ye so ala yeke wara ande na ndembe so Jésus Christ ayeke si.

Aye so Nzapa afa 1:7

Ala baa, lo yeke na ya ti mbinda si lo yeke ga! Fade le ti azo kue ayeke baa lo, ataa ala so lani akpo lo. Fade amara ti dunia kue ayeke toto ndali ti aye so a sara na lo. So ayeke taa-tënë! Amen.

Aye so Nzapa afa 19:7

Ayeke nzoni e sara ngia, e dodo na ngia! E gonda lo! Biani, ndembe ti matanga ti mungo wali ti Molenge ti Taba alingbi awe! Wali so lo ye ti mu lo so aleke tere ti lo awe.

Aye so Nzapa afa 22:20

Zo so atene tënë ti aye so, lo tene, aye ni ayeke taa-tënë; lo tene: “Biani, mbi yeke ga fafadeso!” Amen! Ga, *Kota Gbia Jésus!