Matthieu 25:1 - Mbeti ti Nzapa - Tënë so amu fini

¹ “Tongaso tënë ti *Kodro-gbia ti yayu ayeke duti ande tongana tënë ti amaseka-wali baleoko so amu alamba ti ala si ala sigigi ti gue na lege ti koli so ague ti mu wali na fini ni.

Matthieu 25:1 Iomraidhean Croise

Abia (Psaumes) 45:14

Molenge-wali ti gbia ayeke li na ya ti da; nengo ti wali ti gbia, lo yu apendere bongo so a zia lôro na tere ni.

B. ti abia 1:3

afun pendere ahon ayombo ti mo. Iri ti mo ayeke yombo so afun amu ndo kue, ndani laa amaseka-wali aye mo mingi so.

B. ti abia 5:16

Tongana lo su yanga ti mbi, anzere nzerengo, tere ti lo kue laa mbi ye ni. Ala amolenge-wali ti Jérusalem, baa kamba ti be ti mbi laa, koli so mbi ye lo mingi so laa.

B. ti abia 5:8

Ala amaseka-wali ti Jérusalem, mbi voro ala mingi, tongana ala wara tere na kamba ti be ti mbi, tënë ti nyen laa ala yeke tene ande na lo? Ala tene: yengo so mbi ye lo so asara mbi kobela.

Ésaïe 54:5

Biani, koli ti mo ayeke duti lo so lo sara mo; iri ti lo ayeke ‘KOTA GBIA so ayeke na ndö ti dunia kue’. Lo so lo zi mo ayeke Nzapa ti Israel so ayeke nde si ayeke nzoni kue, lo so azo adi iri ti lo ‘Nzapa ti sese kue’.

Daniel 2:44

Na ngoi ti agbia ni, fade Nzapa so ayeke na yayu ayeke sara mbeni kodro so ayeke buba laoko pepe; kodro ni ayeke ti na gbe ti azo ti ambeni mara nde pepe. Fade kodro ni ayeke fâ si ayeke nika ambeni kodro ni kue; gi kodro oko so laa ayeke ngba ti lo lakue lakue.

Matthieu 13:24

Jésus atene na ala mbeni toli, lo tene: “*Kodro-gbia ti yayu ayeke tongana ye so mbi ye ti fa: Mbeni koli abi anzoni le ti kobe na le ti yaka ti lo.

Matthieu 13:31

Jésus atene na ala mbeni toli, lo tene: “*Kodro-gbia ti yayu ayeke tongana le ti keke ti mutarde so mbeni zo amu si alu na yaka ti lo.

Matthieu 13:38

yaka ni ayeke dunia so; anzoni le ti kobe ni ayeke azo so aga azo ti kodro-gbia ti Nzapa; asioni pere ni ayeke azo ti Sioni wato;

Matthieu 13:47

“*Kodro-gbia ti yayu ayeke nga tongana gbanda so a bi na ya ti kota ngu si agbu amara ti asusu nde nde.

Matthieu 20:1

“Tënë ti *Kodro-gbia ti yayu ayeke tongana tënë ti mbeni wa ti da so asigigi na kota ndaperere ti gi azo, ti mu ala na kua ti yaka ti *vinye ti lo.

Matthieu 22:2

“Tënë ti *Kodro-gbia ti yayu ayeke tongana tënë ti mbeni gbia so aleke matanga ndali ti mungo wali so molenge ti lo aye ti mu.

Matthieu 25:7

Tongaso amaseka-wali baleoko so kue azingo si ala yeke leke alamba ti ala.

Matthieu 3:2

lo tene: “Ala zia ngbene lege ti sarango ye ti ala, ngbanga ti so *Kodro-gbia ti yayu aga nduru awe!”

Matthieu 5:16

Legeoko nga, alingbi lumiere ti ala aza na dawa ti azo kue. Tongaso, fade azo ni ayeke baa anzoni sarango ye ti ala si ala yeke gonda Babâ ti ala, azo ti mbi, so ayeke na yayu.

Matthieu 9:15

Jésus akiri tënë na ala: “Azo so a tisa ala na matanga ti mungo tere ti koli na wali, fade ala lingbi ti duti na vundu na ndembe so koli ni ade na popo ti ala? Oko pepe! Me ambeni lango ayeke ga so fade a yeke mu koli ni na popo ti ala, a hon na lo; na ngoi ni so laa fade ala yeke ke kobe.

Jean 18:3

Judas amu li ti mbeni bongbi ti aturugu na awabatango kota da ti Nzapa si ala gue na ndo ni so; akota wayango-sandaga na *afarizien laa atokua ala. Ala mu aye ti bira na alamba na wâ ti pere.

Jean 3:29

Zo so ayeke na wali ayeke koli ti wali ni; me zo so lo na koli ti wali ni aye tere, lo yeke luti nduru na tere ti koli ni si lo yeke na ngia ti ma go ti koli ti wali ni. Nda ti ngia so mbi yeke na ni laa; laso ngia ni alingbi kue.

Awatokua 20:8

Alamba mingi ayeke za na ya ti kubu ti nduzu, na ndo so e bongbi daa so.

1 Korente 11:2

Mbi gonda ala, ngbanga ti so na ngoi kue, ala yeke dabe ti ala na mbi si ala yeke sara ye alingbi na atënë so mbi fa na ala.

2 Korente 11:2

Mbi ye ala mingi, nilaa mbi yeke sara mbanda ti ala; yengo so mbi ye na ala so alondo na Nzapa. Biani, ala yeke tongana maseka-wali so ade ti hinga koli pepe; mbi mu zendo ti mu ala gi na koli oko, koli ni ayeke Christ.

2 Timothée 4:8

Ti fadeso, Nzapa abata na mbi nzoni ye so a yeke mu na zo so aso benda. Lo leke nzoni ye ni ndali ti azo ti mbirimbiri, fade *Kota Gbia so ayeke wafango-ngbanga ti mbirimbiri ayeke mu ni na mbi na lango ti ndani; lo yeke mu nzoni ye ni gi na mbi oko pepe, me lo yeke mu ni nga na azo so kue aye tënë ti gango ti lo.

Tite 2:13

si e zia be ti e ti ku nzoni lango so fade e yeke baa kota Nzapa ti e na Wasongo e, Jésus Christ, na ya ti gonda ti lo.

Aye so Nzapa afa 14:4

Azo ni so abuba tere ti ala pepe na lege ti bongbingo na awali. Ala yeke mu peko ti Molenge ti Taba na ndo so kue lo yeke gue daa. Nzapa asoo ala na popo ti amba ti ala, azo si ala ga tongana akozo nzoni ye so a mu na lo nga na Molenge ti Taba.

Aye so Nzapa afa 19:7

Ayeke nzoni e sara ngia, e dodo na ngia! E gonda lo! Biani, ndembe ti matanga ti mungo wali ti Molenge ti Taba alingbi awe! Wali so lo ye ti mu lo so aleke tere ti lo awe.

Aye so Nzapa afa 21:2

Mbi baa gbata so ayeke nde si ayeke nzoni kue, fini Jérusalem, so alondo na yayu na tere ti Nzapa si ayeke zu ti ga. Gbata ni aleke tere ti lo tongana mbeni wali so aye ti mu koli na fini ni si ayu aye ti pendere ti yamba na koli ti lo.

Aye so Nzapa afa 21:9

Mbeni oko ti *a-ange mbarambara so agbu akopo mbarambara so tanga ti aye ti sioni mbarambara ayeke daa so, lo ga lo tene na mbi: “Ga, mbi fa na mo wali so Molenge ti Taba aye ti mu lo titene lo ga wali ti lo so.”

Aye so Nzapa afa 4:5

Zango ti bekpa, na ambeni go so atoto ngangu, nga na toto ti bekpa alondo na tere ti mbata ti gbia ni si ayeke sigigi. Akota wâ ti lamba mbarambara ayeke za na dawa ti mbata ti gbia ni; alamba ni ayeke ayingo mbarambara ti Nzapa.

Aye so Nzapa afa 8:10

Ota ange ni ahuru tatalita ti lo. Mbeni kota tongoro alondo na nduzu ati na sese; tongoro ni ayeke gbi tongana kota menga ti wâ. Angu ti *bale na ali ti ngu, tongoro ni ati na ndö ti mbeni oko na popo ti ambeni ota.