Matthieu 24:7 - Mbeti ti Nzapa - Tënë so amu fini

⁷ Fade mbeni mara ayeke londo ti tiri na mbeni mara, mbeni kodro-gbia ayeke londo ti tiri na mbeni kodro-gbia; kota nzara ayeke ga si sese ayeke yingi na ando nde nde.

Matthieu 24:7 Iomraidhean Croise

2 Mbai 15:6

Mara ayeke tiri na mbeni mara, gbata ayeke tiri na mbeni gbata, ngbanga ti so Nzapa ayingi ala na lege ti aye ti ngangu nde nde.

Ésaïe 19:2

*KOTA GBIA atene: “Mbi yeke pusu azo ti Ezipte na tere ti amba ti ala, zo oko oko ayeke tiri na ita ti lo, zo oko oko ayeke tiri na mba ti lo mbeni gbata ayeke tiri na mbeni gbata, mbeni kodro-gbia ayeke tiri na mbeni kodro-gbia.

Ésaïe 29:6

KOTA GBIA so ayeke na ndö ti dunia kue ayeke ga ti mu maboko na mo na lege ti toto ti bekpa, na lege ti ye so atoto ngangu, na ya ti ngangu pupu, na ya ti pupu ti ngu-Nzapa nga na wâ so ayeke gbi ye kue.

Ezekiel 14:21

Biani, tënë so Kota Gbia NZAPA atene ayeke so: “Mbi tokua asioni kpale ti mbi osio na ndö ti Jérusalem: bira, kota nzara, asioni nyama na sioni kobela ti bubango kodro. Mbi tokua ni ti fâ azo na anyama kue ti hunzi ala.

Ezekiel 21:27

Zeke so afa Jérusalem ayeke na ya ti maboko ti lo ti koli. Lo yeke mu yanga titene azo ague, afâ azo gbani gbani, ala dekongo ti bira, ala zia amasini ti bira na tere ti ayanga ti gbagba ni, ala bongbi sese aga *koto na tere ti gbagba ni, ala koro du na gbe ti gbagba ni.

Zakarii 14:13

Na lango ni so, fade KOTA GBIA ayeke bi kota mbeto na popo ti ala; zo oko oko ayeke londo ti tiri na mba ti lo, ala yeke gbu tere na tiri na popo ti ala.

Nzoni Tënë so Luc asu na mbeti 21:11

sese ayeke yingi ngangu si kobela ti bubango kodro nga na kota nzara ayeke sara azo na ando nde nde; ambeni ye ti ziango mbeto na be ti zo na aye ti kpene ayeke sigigi na le ti nduzu.

Awatokua 11:28

Mbeni oko so iri ti lo Agabus alondo, lo tene na azo ye so Yingo-Vuru afa na lo, lo tene: “Fade mbeni kota nzara ayeke ga na ndö ti sese kue.” – Nzara ni aga biani na ndembe so Claude ayeke kota gbia ti Rome. –

Awatokua 2:19

Fade mbi yeke sara aye ti dongo be na le ti nduzu si mbi yeke sara aye ti kpene na ndö ti sese: mene, wâ na ngbongboro guru ti wâ,

Ahebro 12:27

Tënë ti yanga ti Nzapa so atene: “Fade mbi yeke kiri” so aye ti fa atene, aye so kue lo leke ni alingbi ti yingi si fade ayeke hon; me aye so alingbi ti yingi pepe, ni laa ayeke ngba.

Aye so Nzapa afa 6:12

So Molenge ti Taba azi omene nzoroko ni, mbi baa sese ayingi ngangu: lâ avuko tongana vuko bongo ti mua, le ti nze aga bengba tongana mene;

Aye so Nzapa afa 6:5

So Molenge ti Taba azi ota nzoroko ni, mbi ma ota ye so ayeke na fini adekongo, atene: “Ga!” Mbi baa ndo si mbi baa mbeni vuko mbarata asigigi. Zo so ayeke duti na ndö ti mbarata ni agbu kilo na maboko ti lo.

Aye so Nzapa afa 6:6

Mbi ma mbeni go na popo ti aye osio so ayeke na fini so, atene: “Ngere ti kilo oko ti *ble alingbi na nginza ti kua ti lango oko; ngere ti kilo ota ti *orze alingbi na nginza ti kua ti lango oko. Me ti mafuta na ti vin, mo ndu ni pepe!”

Aye so Nzapa afa 6:8

Mbi baa ndo si mbi baa mbeni mbarata so tere ti lo avuru akpa kuâ. Iri ti zo so aduti na ndö ti mbarata ni ayeke “Kuâ” si ndo ti akuâ ayeke mu peko ti lo. A mu na lo ngangu ti gue na ndö ti sese kue, ti fâ azo na yongoro zeme, na lege ti nzara, na lege ti kuâ nga na lege ti asioni nyama. Tongana azo ayeke osio, lo yeke fâ oko.