Matthieu 24:48 - Mbeti ti Nzapa - Tënë so amu fini

⁴⁸ Me tongana zo ti kua ni ayeke sioni zo si lo tene na be ti lo, lo tene: ‘Makonzi ti mbi ayeke ga hio pepe’

Matthieu 24:48 Iomraidhean Croise

2 Agbia 5:26

Élisée atene na lo: “Na ndembe so mbeni zo alondo hio na ndö ti pusu ti ambarata ti lo ti ga ti wara mo so, mo hinga, mo tene, mbi yeke fade daa na lege ti yingo pepe? Ngoi titene mo mu abongo wala mo mu nginza ti vo na yaka ti a-olive na ti *vinye laa pepe; wala titene mo vo na ataba, abagara nga na azo ti kua ti koli na ti wali laa pepe!

Zo ti bongbingo azo 8:11

Zo so asara sioni, a yeke fâ ngbanga na li ti lo hio pepe. Ndani laa azo ayeke na nzara ti sara sioni.

Ésaïe 32:6

Biani, zo ti buba ayeke tene abuba tënë, lo yeke zia be ti lo gi ti sara sioni, lo yeke sara aye so ayeke sioni mingi si lo yeke tene asioni tënë na tere ti *KOTA GBIA. Zo so nzara asara lo, lo yeke mu na lo kobe pepe, zo so nzara ti ngu asara lo, lo yeke mu na lo ngu ti nyongo ni pepe.

Ezekiel 12:22

“*Molenge ti zo, *mato so azo ayeke tene na ndö ti Israel, atene: ‘Lango ayeke hon si ye oko so azo abaa na ya ti mbeni ye tongana bango-li, aga taa-tënë pepe’, ala yeke tene ni ngbanga ti nyen?

Ezekiel 12:27

“Molenge ti zo, tënë so azo ti Israel atene ayeke so: ‘Ye so koli so abaa na ya ti mbeni ye tongana bango-li so, lango ni ade yongoro. Lo yeke tene peko ti tënë ti Nzapa ndali ti angoi so angba yongoro kâ.’

Matthieu 18:32

Tongaso, gbia airi zo ti kua ni so si lo tene na lo: ‘Mo, sioni zo ti kua! Mbi zi yongo so kue ayeke na li ti mo, ngbanga ti so mo voro tere ti mo na mbi mingi.

Matthieu 24:47

Mbi tene na ala taa-tënë: fade makonzi ti lo ayeke zia lo ti baa ndo na ndö ti aye ti lo kue.

Matthieu 24:49

si lo to nda ti pikango amba ti lo azo ti kua ni, ti te, ti nyon na azo so aga ngbaa ti samba,

Matthieu 25:26

Makonzi ni akiri tënë na lo: ‘Sioni zo ti kua, mo yeke zo ti sopo! Mo hinga, mo tene, mbi yeke ko ale ti kobe na ndo so mbi lu kobe daa pepe si mbi yeke bongbi ale ti kobe na ndo so mbi tuku ale ti kobe daa pepe.

Marc 7:21

Biani, asioni tënë ti be alondo na ya ti zo, na be ti lo si afa na lo lege ti sarango asioni ye: sarango ye ti ndumba, nzi, fango zo,

Nzoni Tënë so Luc asu na mbeti 12:45

Me tongana zo ti kua ni atene na be ti lo, atene: ‘Makonzi ti mbi ayeke ga ande hio pepe’ si lo to nda ti pika akoli na awali so ayeke sara kua kâ, lo yeke te, lo yeke nyon si lo ga ngbaa ti samba,

Nzoni Tënë so Luc asu na mbeti 19:22

Gbia ni atene na lo: ‘Mo, sioni zo ti kua! Mbi yeke luti gi na ndö ti atënë ti yanga ti mo wani ti fâ ngbanga na li ti mo. Mo hinga kue: mbi yeke koli so mbi so mingi, mbi yeke mu ye na ndo so mbi bata ye daa pepe si mbi yeke ko le ti kobe na ndo so mbi lu ye daa pepe.

Jean 13:2

So ala yeke te kobe ti lakui, Zabolo azia na be ti Judas, molenge ti Iskariote ti ka Jésus.

Awatokua 5:3

Pierre atene na lo: “Ananias, ngbanga ti nyen si mo yeda titene Satan ali be ti mo? Yaka so mo ka so, mo gbanzi mbage ti nginza ni si mo tene mvene na Yingo-Vuru.

Awatokua 8:22

Mo zia lege ti sarango asioni ye ti mo so, mo sambela Kota Gbia titene tongana lege ayeke daa, lo yeke zi sioni tënë so mo leke na be ti mo so.

Ndia ti fani use ni 15:9

Me hange! Alingbi ala wara sioni gbungo-li pepe ti tene na be ti ala, atene: “Ngu mbarambara aga nduru ti lingbi awe, ngu ti zingo yongo na li ti azo.” Ita ti ala so ye atia lo, ala baa lo na sioni le pepe si ala ke ti mu ye na lo. Tongaso pepe, lo yeke toto na iri ti ala na KOTA GBIA si fade ye so ayeke ga siokpari ti ala.

Ndia ti fani use ni 9:4

Tongana KOTA GBIA Nzapa ti ala atumba ande azo ti amara ni na dawa ti ala, ala pika kate ti ala pepe, atene: “Ndali ti mbirimbiri ti e laa KOTA GBIA asara titene e mu sese ni si aga ti e!” Me KOTA GBIA atumba amara ni so na dawa ti ala, azo ti Israel, ngbanga ti so sarango ye ti amara ni ayeke sioni.