Matthieu 24:46 - Mbeti ti Nzapa - Tënë so amu fini

⁴⁶ Ti zo ti kua ni so nzoni, tongana makonzi ti lo akiri si awara lo na yanga ti kua ni!

Matthieu 24:46 Iomraidhean Croise

Matthieu 24:45

“Zo ti kua so ayeke sara ye na legeni si lo yeke nga zo ti hingango ndo ayeke zo wa? Lo yeke zo so makonzi ti lo azia lo na ndö ti amba ti lo titene lo mu na ala kobe tongana ngbonga ni alingbi.

Matthieu 24:47

Mbi tene na ala taa-tënë: fade makonzi ti lo ayeke zia lo ti baa ndo na ndö ti aye ti lo kue.

Matthieu 25:34

Tongaso, fade Gbia ni ayeke tene na azo so ayeke na mbage ti maboko ti lo ti koli: ‘Ala ga, ala so Babâ ti mbi asara tufa na ndö ti ala; ala ga awa ti *Kodro-gbia ti yayu so lo leke ni ndali ti ala ando, ngbene ye so dunia abaa gigi.

Nzoni Tënë so Luc asu na mbeti 12:37

Ti ala nzoni, ala azo ti kua so makonzi ti ala ayeke kiri si lo yeke wara ala na lango pepe! Mbi tene na ala taa-tënë: fade makonzi ti ala ni ayeke yu bongo ti kua, lo yeke mu ndo na ala ti duti na tere ti meza si lo wani, lo yeke mu kobe na ala.

Nzoni Tënë so Luc asu na mbeti 12:43

Ti zo ti kua ni so nzoni, tongana makonzi ti lo akiri si awara lo na yanga ti kua ni!

Aye so Nzapa afa 16:15

Kota Gbia atene: “Baa, mbi yeke ga tongana zo ti nzi! Ti lo nzoni, zo so alango pepe si lo bata bongo ti lo na tere ti lo. Tongaso, fade lo yeke tambula na tere ti lo senge pepe, kamene ayeke sara lo na le ti azo pepe.”

Aye so Nzapa afa 2:19

Mbi hinga aye so mo yeke sara, ndoye ti mo, mabe ti mo, nzoni ye so mo yeke sara na azo nga na kangango be ti mo. Aye so mo yeke sara fadeso ahon ti so mo sara kozoni.