Matthieu 24:44 - Mbeti ti Nzapa - Tënë so amu fini

⁴⁴ Ndani laa, ala nga, ala leke tere ti ala ti ku, ngbanga ti so Molenge ti Zo ayeke ga ande na ngbonga so ala hinga pepe.”

Matthieu 24:44 Iomraidhean Croise

Matthieu 24:27

Fade gango ti *Molenge ti Zo ayeke duti tongana wâ ti bekpa so alondo na To aza ngbii asi na Do.

Matthieu 24:42

Tongaso, azo ti mbi, ala lango pepe, ngbanga ti so ala hinga lango ti gango ti *Kota Gbia ti ala pepe!

Matthieu 24:43

Ala ma tënë so nzoni: tongana wa ti da ahinga ngbonga so zo ti nzi ayeke ga na ni na bi, ka lo yeke lango pepe. Lo yeke duti ti baa ndo si zo ti nzi ni akungbi yanga ti da ti lo pepe ti li na ya ni.

Matthieu 25:10

So amaseka-wali ti buba ague ti vo mafuta ni, koli ni asi. Amaseka-wali so aleke tere ti ala awe si ayeke ku lo so ali na lo na ya ti da ti matanga ni; a kanga yanga ti da ni na ndö ti ala.

Matthieu 25:13

Ti hunzi na ni, Jésus atene: “Ala lango pepe, ngbanga ti so ala hinga lango ni wala ngbonga ni pepe!”

Nzoni Tënë so Luc asu na mbeti 12:39

“Ala hinga so, tongana wa ti da ahinga ngbonga so zo ti nzi ayeke ga na ni, ka lo zia zo ti nzi ni ti kungbi yanga ti da ti lo ti li na ya ni pepe.

Nzoni Tënë so Luc asu na mbeti 12:40

Ala nga, ala leke tere ti ala ti ku, ngbanga ti so *Molenge ti Zo ayeke ga ande na ngbonga so ala yeke ku lo na ni pepe.”

Nzoni Tënë so Luc asu na mbeti 21:36

Tongaso ala lango pepe! Ala ngba ti sambela lakue si ala wara ngangu ti sigigi na ya ti aye so ayeke si ande so si ala wara lege ti luti na nduzu na dawa ti *Molenge ti Zo.”

Filipe 4:5

Ala sara titene azo kue abaa so ala yeke azo ti nzoni be. Kota Gbia aga nduru ti si awe.

Jacques 5:9

A-ita, ala dema na iri ti amba ti ala pepe, tongaso si Nzapa afâ ngbanga na li ti ala pepe. Ala baa, wafango-ngbanga ayeke luti na yanga ti da!

Aye so Nzapa afa 19:7

Ayeke nzoni e sara ngia, e dodo na ngia! E gonda lo! Biani, ndembe ti matanga ti mungo wali ti Molenge ti Taba alingbi awe! Wali so lo ye ti mu lo so aleke tere ti lo awe.