Matthieu 24:39 - Mbeti ti Nzapa - Tënë so amu fini

³⁹ Ala hinga tënë ni oko pepe ngbii asi na ngoi so kota ngu apika, asuku si amu ala kue ahon na ala. Ye ni ayeke duti ande nga tongaso na lango ti gango ti Molenge ti Zo.

Matthieu 24:39 Iomraidhean Croise

Tongo nda ti aye 7:23

Lege so KOTA GBIA ahunzi aye so kue ayeke na fini na ndö ti sese laa: azo, anyama ti kodro, anyama so ayeke hara harango, na andeke kue. Ala kue ahunzi. Gi Noe na ala so ayeke na tere ti lo na ya ti mangboko ni laa angba.

Amato 23:35

Fade mo yeke tene: “A pika mbi, me aso oko pepe! A pika mbi, me mbi hinga ye oko daa pepe! Mbi ye ti zingo na lango hio ti kiri ti nyon mbeni samba si!”

Amato 24:12

Mo lingbi ti tene: “Mbi hinga fade pepe!” Me lo so abaa atënë ti be ti zo, lo yeke hinga ni senge. Lo yeke baa mo, lo hinga ye kue; fade lo yeke futa zo oko oko alingbi na ye so lo sara!

Amato 29:7

Zo ti mbirimbiri ayeke gbu koko ti awayere; me zo ti sioni ayeke na li pepe ti hinga tënë ni.

Ésaïe 42:25

Ndani laa KOTA GBIA atuku na ndö ti Israel ngonzo ti lo ti wâ nga na sioni ye ti bira. Bira ni abi wâ na tere ti ala mbage na mbage kue, me Israel ahinga ye oko daa pepe. Wâ ni agbi azo ni, me tënë ni agbu be ti ala pepe.

Matthieu 16:27

Biani, *Molenge ti Zo ayeke ga ande na *a-ange ti lo na ya ti gonda ti Babâ ti lo. Fade lo yeke futa zo oko oko alingbi na sarango ye ti lo.

Matthieu 24:3

Jésus aduti na li ti hoto ti a-olive, adisiple aga nduru na tere ti lo; so ala yeke gi ala oko, ala hunda lo, atene: “Tene na e, ye ni ayeke si ande lawa? Nyen laa ayeke fa lango ti gango ti mo nga na lango ti ndani?”

Matthieu 24:30

Tongaso, mbeni ye ayeke sigigi na ya ti mbinda na le ti nduzu si ayeke fa na azo tënë ti gango ti *Molenge ti Zo. Amara ti dunia kue ayeke zia maboko na ndö ti go ti ala si ala yeke dema tere, ala yeke baa Molenge ti Zo so ayeke ga na ya ti ambinda na ngangu ti lo kue, na gonda ti lo kue.

Matthieu 24:37

Ye so asi ando na ngoi ti Noe, ayeke duti ande legeoko tongaso na lango ti gango ti *Molenge ti Zo.

Matthieu 24:40

Tongaso, na popo ti akoli use so ayeke na yaka, fade a yeke mu oko si a zia oko.

Nzoni Tënë so Luc asu na mbeti 19:44

Awato ti mo ni ayeke nika mo na azo ti mo kue; mbeni têne oko ayeke ngba na ndö ti mba ti lo pepe, ngbanga ti so lango so Nzapa aga ti baa mo asi awe, me mo hinga ni pepe!”

Jean 3:20

Zo so kue ayeke sara ye ti sioni, lo ke tënë ti lumiere; lo ye ti ga na ya ti lumiere pepe, ngbanga ti so lo kpe titene asioni ye so lo yeke sara asigigi polele.

Awatokua 13:41

‘Azo so abaa tënë ti Nzapa tongana buba ye so, ala baa! Ala sara mbeto si ala kpe ahon! Biani, na ngoi so ala de na fini, mbi yeke sara mbeni ye, ye so, ataa mbeni zo atene peko ni na ala, ala yeke yeda na ni pepe.’ ”

Rome 1:28

So ala ke ti hinga Nzapa awe, lo zia ala titene hingango ndo ti ala aga kirikiri si ala sara ye so zo alingbi fade ti sara pepe.

2 Pierre 3:5

Ala girisa na mbana ti be ti ala wani so yayu na sese ayeke ando daa giriri: yayu na sese abaa gigi na lege ti tënë ti yanga ti Nzapa. Lo sara si sese na ngu akangbi si kuru sese asigigi na ya ti ngu.

Awafango-ngbanga 20:34

Tongaso akpengba turugu saki baleoko so ayeke ti azo ti Israel kue asi na ndo so abaa le na Gibea. Bira alondo ngangu, me azo ti Benjamin ahinga fade pepe atene, kpale ayeke ti na ndö ti ala.