Matthieu 24:37 - Mbeti ti Nzapa - Tënë so amu fini

³⁷ Ye so asi ando na ngoi ti Noe, ayeke duti ande legeoko tongaso na lango ti gango ti *Molenge ti Zo.

Matthieu 24:37 Iomraidhean Croise

Tongo nda ti aye 6:8

Me ti Noe, be ti Nzapa anzere mingi na lo.

Matthieu 16:27

Biani, *Molenge ti Zo ayeke ga ande na *a-ange ti lo na ya ti gonda ti Babâ ti lo. Fade lo yeke futa zo oko oko alingbi na sarango ye ti lo.

Matthieu 24:27

Fade gango ti *Molenge ti Zo ayeke duti tongana wâ ti bekpa so alondo na To aza ngbii asi na Do.

Matthieu 24:3

Jésus aduti na li ti hoto ti a-olive, adisiple aga nduru na tere ti lo; so ala yeke gi ala oko, ala hunda lo, atene: “Tene na e, ye ni ayeke si ande lawa? Nyen laa ayeke fa lango ti gango ti mo nga na lango ti ndani?”

Matthieu 24:30

Tongaso, mbeni ye ayeke sigigi na ya ti mbinda na le ti nduzu si ayeke fa na azo tënë ti gango ti *Molenge ti Zo. Amara ti dunia kue ayeke zia maboko na ndö ti go ti ala si ala yeke dema tere, ala yeke baa Molenge ti Zo so ayeke ga na ya ti ambinda na ngangu ti lo kue, na gonda ti lo kue.

Matthieu 24:39

Ala hinga tënë ni oko pepe ngbii asi na ngoi so kota ngu apika, asuku si amu ala kue ahon na ala. Ye ni ayeke duti ande nga tongaso na lango ti gango ti Molenge ti Zo.

Ahebro 11:7

Na lege ti mabe, Noe ama tënë ti aye so Nzapa atene tënë ni so ayeke si ande si zo ade ti baa ni pepe so. Noe abaa ni tongana senge tënë pepe, nilaa lo leke mbeni kota mangboko so lo na asewa ti lo ali na ya ni titene ala soo kuâ. Tongaso, lo fâ ngbanga na li ti azo ti dunia si na lege ti mabe, lo ga mbirimbiri na le ti Nzapa.

2 Pierre 2:5

Nzapa azia nga ando dunia ti kozoni senge tongaso pepe. Ndali ti sioni sarango ye ti azo ti dunia ni, lo sara si kota ngu apika, asuku amu ndo kue; lo bata gi Noe, zo ti fango lege ti mbirimbiri na azo, lo na ambeni zo mbarambara.

2 Pierre 3:6

Na lege ti ngu nga, so ti tene ngu so asuku amu ndo kue laa, dunia ti giriri abuba biani.