Matthieu 24:16 - Mbeti ti Nzapa - Tënë so amu fini

¹⁶ Tongaso, azo so ayeke na sese ti Judée, alingbi ala kpe ague na li ti ahoto;

Matthieu 24:16 Iomraidhean Croise

Amato 22:3

Zo ti hango le, tongana lo baa sioni ye ayeke ga, lo yeke honde tere ti lo. Ti azo so le ti ala ahan pepe, ala yeke hon ti ala hongo; tongaso, ala yeke wara ye ti pekoni.

Jérémie 44:29

Baa, tënë so mbi, KOTA GBIA, mbi tene ayeke so: Mbi yeke ga na tere ti ala na Ezipte; mbi yeke fa na ala ye so ala yeke hinga na ni. Tongaso fade ala yeke hinga atene, sioni ye so mbi tene tënë ni ayeke ga taa-tënë ndali ti ala. Ye so ala yeke hinga na ni ayeke so:

Jérémie 6:1

Ala, azo ti Benjamin, ala sigigi na ya ti Jérusalem. Ala kpe agi ndo ti honde tere ti ala daa. Kâ na Tekoa, ala huru didi; kâ na Bet-Kerem, ala yo na nduzu mbeni bendere ti fa atene, mbeni ye ti sioni na kota kpale ti bubango ndo alondo na Banga ti ga.

Matthieu 2:1

A du Jésus na Betlehem, mbeni gbata ti sese ti Judée, na ngoi ti gbia Herode. Na pekoni, azo ti gingo nda ti atongoro alondo na mbage ti To, ala si na Jérusalem.

Matthieu 24:15

“Ndani laa, fade ala yeke baa ye so iri ni ‘Sioni-kpale-ti-bubango-ndo-kue’ so Daniel, wayanga-Nzapa, atene tënë ni ando so. Sioni kpale ni ayeke duti na ndo so ayeke nde si ayeke nzoni kue. – Mo so mo yeke diko mbeti so, mo gi nda ti ye so nzoni! –

Matthieu 24:17

zo so ayeke duti na li ti da ti lo, alingbi lo zu na sese pepe ti mu ye so ayeke na ya ti da ni;

Ahebro 11:7

Na lege ti mabe, Noe ama tënë ti aye so Nzapa atene tënë ni so ayeke si ande si zo ade ti baa ni pepe so. Noe abaa ni tongana senge tënë pepe, nilaa lo leke mbeni kota mangboko so lo na asewa ti lo ali na ya ni titene ala soo kuâ. Tongaso, lo fâ ngbanga na li ti azo ti dunia si na lege ti mabe, lo ga mbirimbiri na le ti Nzapa.