Matthieu 24:15 - Mbeti ti Nzapa - Tënë so amu fini

¹⁵ “Ndani laa, fade ala yeke baa ye so iri ni ‘Sioni-kpale-ti-bubango-ndo-kue’ so Daniel, wayanga-Nzapa, atene tënë ni ando so. Sioni kpale ni ayeke duti na ndo so ayeke nde si ayeke nzoni kue. – Mo so mo yeke diko mbeti so, mo gi nda ti ye so nzoni! –

Matthieu 24:15 Iomraidhean Croise

Jérémie 44:29

Baa, tënë so mbi, KOTA GBIA, mbi tene ayeke so: Mbi yeke ga na tere ti ala na Ezipte; mbi yeke fa na ala ye so ala yeke hinga na ni. Tongaso fade ala yeke hinga atene, sioni ye so mbi tene tënë ni ayeke ga taa-tënë ndali ti ala. Ye so ala yeke hinga na ni ayeke so:

Ezekiel 40:4

Koli ni atene na mbi: “*Molenge ti zo, zi le ti mo, mo baa ndo nzoni, zi mê ti mo, mo ma tënë nzoni; le ti mo angba na ndö ti ye so mbi yeke fa na mo. Biani, a ga na mo ge titene mo baa ye ni. Aye so kue mo baa so, fade mo yeke fa peko ni na azo ti Israel.”

Daniel 1:6

Andaa amaseka-koli osio ti mara ti Juda ayeke na popo ti amaseka-koli so a soro ala so: Daniel, Hanania, Mishael na Azaria.

Daniel 11:31

Aturugu so lo tokua ala ayeke gue ti luti na tere ti ngangu gbagba so ayeke na tere ti ndo so a zia ni nde ndali ti Nzapa ti sara si ndo ni aga sioni. Asandaga so azo ayeke mu na Nzapa na ya ti lango oko oko, aturugu so ayeke kanga lege ni. Ala yeke zia na ndö ti gbalaka Sioni-kpale-ti-bubango-ndo-kue

Daniel 12:11

Ti londo na ngoi so a yeke kanga lege ti mungo asandaga ti lango oko oko na Nzapa nga na ngoi so ala yeke zia na ndö ti gbalaka Sioni-kpale-ti-bubango-ndo-kue, lango saki oko ngbangbo use na balegumbaya ayeke hon.

Daniel 9:23

Gi so mo to nda ti voro tere ti mo na Nzapa, mbeni tënë asigigi. Nilaa mbi ga ti fa ni na mo, ngbanga ti so Nzapa aye mo. Ayeke nzoni mo ma tënë so nzoni si mo gi ti ma ya ti ye so mo baa na ya ti mbeni ye tongana bango-li so.

Daniel 9:25

Alingbi mo hinga ye so si mo ma ya ni: mbeni lâ, a mu yanga titene azo akiri na kodro ti ala na peko ti so a gbu ala, a gue na ala na kodro wande; a mu nga yanga titene azo akiri aleke gbata ti Jérusalem. Ti londo na ngoi ni so ngbii asi na ngoi so a tuku mafuta na li ti mbeni zo titene a zia lo makonzi, ngoi mbarambara ti ngu mbarambara ayeke hon. Na pekoni, na ya ti mbeni ngoi baleomene na use ti ngu mbarambara, a yeke kiri ti leke gbata ni na agbagba ti bira ti gbata ni; me ayeke duti angoi ti ngangu.

Daniel 9:27

Na ya ti tanga ti ngoi ti ngu mbarambara so, makonzi ni ayeke gbu gba ti azo na ngangu titene ala sara ye so ala ye pepe. Na peko ti ngu ota na ndambo, lo yeke sara si asandaga ti nyama na asandaga ti ale ti kobe so azo ayeke mu ka na Nzapa akai. Zo ti bubango ndo so ayeke sara ande aye ti sioni mingi gi na loro, lo yeke sara ni ngbii tënë ti bubango lo so a diko ndali ti lo ati na ndö ti lo.’ ”

Matthieu 24:16

Tongaso, azo so ayeke na sese ti Judée, alingbi ala kpe ague na li ti ahoto;

Marc 13:14

“Fade ala yeke baa ye so iri ni ‘Sioni-kpale-ti-bubango-ndo-kue’ so ayeke duti na ndo so sioni kpale ni alingbi fade ti duti daa pepe. (Mo so mo yeke diko mbeti so, mo gi nda ti ye so nzoni!) Tongaso, azo so ayeke na sese ti Judée, alingbi ala kpe ague na li ti ahoto;

Nzoni Tënë so Luc asu na mbeti 19:43

Biani, ambeni lango ayeke ga so awato ti mo ayeke bongbi sese aga koto, angoro mo kue. Ala yeke ngoro mo si ala yeke pete mo mbage na mbage kue.

Nzoni Tënë so Luc asu na mbeti 21:20

“Tongana ala baa ande aturugu angoro Jérusalem kue, ayeke nzoni ala hinga atene, a ga nduru ti buba gbata ni awe.

Jean 11:48

Tongana e ngba ti baa lo bango na aye so lo yeke sara so, fade azo kue ayeke ma na be na lo si akota zo ti Rome ayeke ga ti buba kota da ti Nzapa ti e nga na mara ti e!”

Awatokua 21:28

Ala dekongo: “Azo ti Israel, ala ga hio si-oo! Lo laa, koli so ayeke fa ye na azo na ndo kue si fango ye ti lo ni ake azo ti Israel, ake *Ndia ti Moïse nga na kota da ti Nzapa so! Fadeso lo mu azo ti amara nde, lo li na ala na ya ti kota da ti Nzapa si lo sara titene da ni aga *sioni!”

Awatokua 6:13

Ala gue, aga na ambeni zo na le ti ngbanga titene azo ni atene mvene na iri ti lo, atene: “Koli so ayeke tene gi sioni tënë lakue na tere ti kota da ti Nzapa nga na tere ti *Ndia ti Moïse.

Ahebro 2:1

Ndani laa, tënë ti Nzapa so e ma, alingbi e gbu ni ngangu, tongaso si e girisa lege pepe.

Aye so Nzapa afa 1:3

Ti lo nzoni, zo so ayeke diko mbeti so! Ti ala nzoni, azo so ayeke ma tënë ti peko ti yanga ti Nzapa so si ala yeke sara ye alingbi na tënë ti ya ti buku so! Ngoi ti aye ni aga nduru ti si awe.

Aye so Nzapa afa 3:22

“Zo so ayeke na mê ti mango ndo, ayeke nzoni lo ma tënë so Yingo ayeke tene na a-Eglize!”