Matthieu 24:13 - Mbeti ti Nzapa - Tënë so amu fini

¹³ Me zo so ayeke gbu ngangu ngbii asi na ndani, fade lo yeke soo kuâ.

Matthieu 24:13 Iomraidhean Croise

Matthieu 10:22

Fade azo kue ayeke ke ala ndali ti mbi. Me zo so ayeke gbu ngangu ngbii asi na ndani, fade lo yeke soo kuâ.

Matthieu 24:12

Ndali ti sioni so ayeke wu gi wungo, fade ndoye ti azo mingi ayeke kiri na peko.

Matthieu 24:6

Ala azo ti mbi, fade ala yeke ma tënë ti abira so aga nduru wala tënë ti abira so angba yongoro, ala sara mbeto pepe! Biani, alingbi aye so asi, me so laa ayeke hunzingo ti aye kue pepe.

Marc 13:13

Azo kue ayeke ke ala ndali ti mbi; me zo so ayeke gbu ngangu ngbii asi na ndani, fade lo yeke soo kuâ.”

Nzoni Tënë so Luc asu na mbeti 21:19

Ala gbu ngangu si fade ala soo kuâ!”

Nzoni Tënë so Luc asu na mbeti 8:15

Ambeni zo ayeke tongana nzoni sese so ale ti kobe atuku daa; ala ma tënë ni na be so ayeke mbirimbiri si ayeke nzoni. Ala bata tënë ni si ala kanga be ti ala ti le lakue.”

Rome 2:7

Azo so amu be ti ala kue ti gi ti sara nzoni ye, ala yeke gi titene Nzapa agonda ala, lo ne ala si lo mu na ala fini so angba lakue lakue, fade Nzapa ayeke mu lege na ala ti duti na fini kpu na kpu.

1 Korente 1:8

Lo laa lo yeke sara titene ala kpengba ngbii asi na ndani si na lango ti gango ti Jésus Christ, Kota Gbia ti e, ala duti azo so tënë ayeke na li ti ala pepe.

Ahebro 10:39

Ti e, e yeke azo so ayeke zia lege ti mabe pepe ngbanga ti e girisa. Me e yeke azo so ama na be ti soo kuâ.

Ahebro 3:14

Fadeso, e na Christ e yeke sara kua legeoko gi tongana kozo ye so e zia be ti e daa, e gbu ni ngangu ngbii asi na ndani.

Ahebro 3:6

Ti Christ, lo sara kua ni na legeni tongana Molenge ti Nzapa, lo yeke na komandema na ndö ti da ti Babâ ti lo. E laa e yeke da ni tongana e ngba ti zia be ti e na ndö ti ye so e yeke ku ni si e gonda tere ti e daa.

Aye so Nzapa afa 2:10

Mo yeke baa ande pasi, me ayeke nzoni mbeto ti pasi ni asara mo pepe. Baa, fade Zabolo ayeke bi ambeni zo na popo ti ala na da ti kanga, ti tara be ti ala, azo ti Nzapa; na ya ti lango baleoko kue, a yeke sara ngangu na ala. Ayeke nzoni mo bata tënë ti mbi ngbii asi na kuâ, fade mbi yeke mu na mo nzoni ye so a yeke mu na zo so aso benda, so ti tene fini so angba lakue lakue.