Matthieu 24:10 - Mbeti ti Nzapa - Tënë so amu fini

¹⁰ Na ngoi ni so, azo mingi ayeke zia lege ti mabe ti ala; ala yeke ka amba ti ala na popo ti ala si ala yeke ke tere na popo ti ala.

Matthieu 24:10 Iomraidhean Croise

Matthieu 10:21

Fade azo ayeke mu a-ita ti ala titene azo afâ ala; babâ ayeke mu nga molenge ti lo titene azo afâ lo; amolenge ayeke ga wato ti babâ na mama ti ala ti mu ala titene azo afâ ala.

Matthieu 11:6

Ti lo nzoni, zo so azia lege ti mabe ti lo pepe ndali ti mbi!”

Matthieu 13:21

Me tënë ni ali na ya ti be ti ala pepe, ala bata tënë ni na be ti ala aninga pepe. Tongana pasi wala ye ti ngangu asi na ala ngbanga ti tënë ti Nzapa, fafade ala do lege ti tënë ti Nzapa azia.

Matthieu 13:57

Aye so kue asara si ala ma na be na lo pepe. Nilaa Jésus atene na ala: “Na ndo kue, azo ayeke ne wayanga-Nzapa; me na ya ti gbata so adu lo daa, wala na popo ti asewa ti lo, azo ayeke ne lo pepe.”

Matthieu 24:11

Fade awayanga-Nzapa mingi ti mvene ayeke londo si ala yeke handa gba ti azo.

Marc 13:12

Fade zo ayeke ka ita ti lo titene a fâ lo, babâ ayeke sara nga tongaso na molenge ti lo; amolenge ayeke ga awato ti ababâ na amama ti ala ti ka ala titene a fâ ala.

Marc 4:17

me tënë ni ali na ya ti be ti ala pepe, ala kpengba pepe. So ye ti ngangu asi na ala wala ye ti vundu asi na ala ndali ti tënë ni, fafade ala zia lege ti mabe.

Nzoni Tënë so Luc asu na mbeti 21:16

Ababâ ti ala, amama ti ala, a-ita ti ala, asongo ti ala na amba ti ala so ala na ala aye tere ayeke ka ala; a yeke fâ ambeni zo mingi na popo ti ala.

2 Timothée 1:15

Mo hinga so azo ti sese ti Azii kue azia mbi awe; Fizele na Hermozene ayeke nga na popo ti ala.

2 Timothée 4:10

Demas azia mbi, ahon awe, ngbanga ti so nzara ti aye ti gigi so agbu lo; lo gue na Tesalonike. Kresan ague na Galasii, Tite ague na Dalmasii.

2 Timothée 4:16

Na kozo ngbanga so lani a iri mbi daa, zo oko amu na mbi maboko pepe, azo kue azia mbi ahon. Ayeke nzoni Nzapa akiri peko ni na ala pepe!