Matthieu 24:1 - Mbeti ti Nzapa - Tënë so amu fini

¹ So Jésus asigigi na ya ti kota da ti Nzapa si lo yeke hon, adisiple ti lo aga nduru na tere ti lo si ala hunda na lo ti baa lege so azo asara na kota da ti Nzapa so.

Matthieu 24:1 Iomraidhean Croise

Jérémie 51:61

Jérémie atene na Seraya: “Tongana mo si na Babilone, fade mo yeke sara ngangu kue ti diko atënë so kue na mê ti azo.

Jérémie 6:8

“Jérusalem, zia a fa nzoni lege na mo. Tongaso pepe, mbi yeke zi maboko ti mbi na tere ti mo si ndo ti mo ayeke ga ande ngonda, sese so zo oko alingbi ti duti daa pepe.”

Ezekiel 8:6

Lo kiri lo tene na mbi: “Molenge ti zo, mo baa ye so ala yeke sara so? Azo ti Israel amu tere ti ala na sarango asioni ye so zo alingbi ti baa na le ti lo fani use pepe. Ala yeke sara ni titene mbi hon yongoro na da ti mbi so ayeke nde si ayeke nzoni kue. Me mo yeke kiri ti baa asioni sarango ye so ayeke sioni mingi ahon ti so.”

Osée 9:12

Ataa ala yeke bata amolenge-koli, mbi yeke kanga lege na ala titene ala kono. Biani, mawa na ala, azo ti Efraim, tongana mbi hon yongoro na tere ti ala!

Matthieu 21:23

Jésus ali na ya ti kota da ti Nzapa si lo yeke fa ye. Tongaso, akota wayango-sandaga na *akangba ti azuife aga nduru na tere ti lo si ala hunda lo, atene: “Na iri ti zo wa laa mo yeke sara aye so? Zo wa laa amu lege na mo ti sara ni, zo wa?”

Matthieu 23:39

Mbi tene na ala so fade ala kiri ti baa mbi pepe ngbii asi na ngoi so ala yeke tene ande, atene: ‘Ayeke nzoni Nzapa asara tufa na ndö ti lo so aga na iri ti *Kota Gbia!’ ”

Jean 2:20

Azuife ahunda lo, atene: “Kota da ti Nzapa so e sara ni na ya ti ngu baleosio na omene, mo tene ti mo, mo tene, mo yeke leke ni na ya ti lango ota?”