Matthieu 23:9 - Mbeti ti Nzapa - Tënë so amu fini

⁹ Ala iri mbeni zo ti ndö ti sese so ‘Babâ’ pepe, ngbanga ti so ala yeke gi na Babâ oko so ayeke na yayu.

Matthieu 23:9 Iomraidhean Croise

2 Agbia 13:14

Élisée ati na kobela, kobela so lo yeke kui na ni. Yoas, gbia ti Israel ague ti baa lo. Lo ba na ndö ti Élisée si lo yeke toto, lo tene: “Babâ ti mbi! Babâ ti mbi! Mo yeke lani tongana apusu ti mbarata ti Israel! Mo yeke tongana azo ti kpengo na ambarata ni!”

2 Agbia 2:12

So Élisée abaa ye ni tongaso, lo dekongo, lo tene: “Babâ ti mbi! Babâ ti mbi! Mo yeke lani tongana apusu ti mbarata ti Israel! Mo yeke tongana azo ti kpengo na ambarata ni!” Na pekoni, lo kiri lo baa lo pepe. Élisée agbu bongo ti lo si lo suru ya ni use.

2 Agbia 6:21

So gbia ti Israel abaa ala awe, lo tene na Élisée: “Babâ, mbi lingbi ti fâ ala?”

Malashii 1:6

Tënë so KOTA GBIA so ayeke na ndö ti dunia kue atene na ala, awayango-sandaga ayeke so: “Molenge-koli ayeke ne babâ ti lo, zo ti kua ayeke ne makonzi ti lo. Tongana mbi yeke Babâ ti ala, nengo mbi ni ayeke na ndo wa? Tongana mbi yeke Makonzi ti ala, kpengo mbeto ti mbi ni ayeke na ndo wa? Ti ala awayango-sandaga, ala yeke baa mbi tongana mbumbuse zo. Ala hunda mbi, atene: ‘E baa mo tongana mbumbuse zo tongana nyen?’

Matthieu 23:10

Ala yeda titene azo airi ala ‘Makonzi’ pepe, ngbanga ti so ala yeke gi na Makonzi oko so ayeke *Mesii.

Matthieu 6:32

Azo so ahinga Nzapa pepe laa ayeke gi be ti ala lakue ndali ti aye tongaso. Ti ala azo ti mbi, Babâ ti ala so ayeke na yayu ahinga atene, ayeke nzoni ala wara aye so ndali ti fini ti ala.

Matthieu 7:11

Ala so ayeke asioni zo, ala hinga ti mu anzoni ye na amolenge ti ala. Babâ ti ala so ayeke na yayu alingbi biani ti mu anzoni ye na azo so ahunda ni na lo!

Awatokua 22:1

“Ababâ, a-ita, ala ma tënë so mbi ye ti tene na ala na ndö ti tënë so ala bi na li ti mbi so.”

1 Korente 4:15

Biani, ataa azo saki baleoko laa afa lege na ala si ala ga oko na Christ, ala yeke na ababâ mingi pepe: mbi laa mbi du ala si ala ga oko na Christ na lege ti Nzoni Tënë so mbi fa na ala.

2 Korente 6:18

Kota Gbia so ngangu ti lo ahon angangu kue atene: “Mbi yeke duti Babâ ti ala si ala yeke duti amolenge ti mbi ti koli na ti wali.”

Ahebro 12:9

Ababâ ti e ti sese so ayeke pika ka e ti kiri na e na nzoni lege si e yeke kpe mbeto ti ala. Tongaso, ayeke nzoni ahon titene e ma yanga ti Babâ ti e so ayeke na yayu si e duti na fini.

1 Jean 3:1

Ala baa yengo so Babâ aye na e! Lo ye e ahon ndoni, ndani laa, a yeke iri e amolenge ti Nzapa. Biani, e yeke amolenge ti lo! Me azo ti dunia so ahinga e pepe, ngbanga ti so ala hinga Nzapa pepe.