Matthieu 23:5 - Mbeti ti Nzapa - Tënë so amu fini

⁵ Ye so kue awafango-ye ni ayeke sara, ala yeke sara ni gi titene azo abaa ala. Tongaso, ala yeke sara titene ya ti akete kete bozo ti poro so ala su tënë ti Nzapa si azia na ya ni so akono, kamba so ala leke na yanga ti bongo ti ala aga kota.

Matthieu 23:5 Iomraidhean Croise

2 Agbia 10:16

Yehu atene na Yonadab: “Ga na tere ti mbi, fade mo yeke baa nzara ti *KOTA GBIA so ayeke gbi na be ti mbi.” Yehu amu lo na tere ti lo na ya ti pusu ti mbarata ti lo si ala gue legeoko na tambula ni.

Sigingo 13:9

Na lege ti ngangu ti maboko ti KOTA GBIA laa, lo zi ala na Ezipte, lo sigigi na ala. Fade matanga so ayeke ga ye ti dango be ti ala, legeoko tongana mbeni nzoroko na tere ti maboko ti ala nga na ndö ti le ti ala. Matanga ni ayeke dabe ti ala so, ala lingbi ti fa *Ndia ti KOTA GBIA na azo.

Amato 3:3

Ayeke nzoni mo zia ti sara nzoni be pepe, mo zia ti bata tënë ti yanga ti mo pepe; mo kanga ni na go ti mo tongana ye ti go, mo su ni na be ti mo tongana mbeti.

Awayango-sandaga 13:32

Na lango mbarambara ni, wayango-sandaga ayeke kiri ti baa ndo so kobela ni ayeke daa. Tongana palata ni amu tere ti zo ni kue pepe, kua ti tere ti lo angba tongana ti kozo si du akoro na ya ti poro ti tere ti lo pepe,

Matthieu 9:20

Andaa mbeni wali ayeke daa, mene ayeke ga na tere ti lo mingi mingi, asara ngu baleoko na use awe. Lo ga nduru na Jésus na mbage ti peko si lo ndu yanga ti bongo ti Jésus.

Nzoni Tënë so Luc asu na mbeti 16:15

Lo tene na ala: “Ala yeke fa na le ti azo atene, ala yeke azo ti mbirimbiri, me Nzapa ahinga be ti ala kue. Ye so ayeke kota ye na le ti azo, ayeke sioni mingi na le ti Nzapa.

Nzoni Tënë so Luc asu na mbeti 20:47

Ala yeke ro aye kue ti ya ti da ti awali-mua si ala yeke sara ayongoro sambela titene azo abaa ala. Fade Nzapa ayeke fâ ngbanga na li ti ala ngangu ahon ti azo kue.”

Jean 12:43

Biani, ala ye titene azo agonda ala ahon titene Nzapa laa agonda ala.

Jean 5:44

Ala ye titene amba ti ala laa agonda ala si ala nga agonda amba ti ala; me gonda so alondo na Nzapa oko, ala ye ti gi ni pepe. Fade ala lingbi ti ma na be tongana nyen?

Jean 7:18

Zo so ayeke tene gi tënë ti be ti lo, lo yeke gi titene azo agonda lo. Me zo so ayeke gi titene azo agonda zo so atokua lo, lo yeke tene gi taa-tënë; tënë ti mvene ayeke na yanga ti lo pepe.

Ndia ti fani use ni 11:18

Atënë ti ndia so mbi yeke fa ni na ala, alingbi ala bata ni na ya ti be ti ala nga na ya ti yingo ti ala. Titene be ti ala agirisa na ni pepe, fade ala yeke kanga ni na maboko ti ala nga na ndö ti le ti ala.

Ndia ti fani use ni 22:12

Kota bongo so ala yeke bi na ndö ti ala, fade ala yeke mu mbeni kamba ti bongo so nzoroko ni akpa le ti nduzu, ala fu na yanga ni osio kue.

Ndia ti fani use ni 6:8

Titene be ti mo agirisa na ni pepe, fade mo yeke kanga ni na maboko ti mo nga na ndö ti le ti mo.

Filipe 1:15

Mbi hinga so ambeni zo ayeke fa tënë ti Christ gi na kota be wala ti gi na yanga ti mbi; me ambeni ayeke fa tënë ni na nzoni be.

Filipe 2:3

Ala sara ye na gbugburungo tere ti gi na kota ndo pepe, ala sara nga ye na lege ti kuru baba pepe. Me ala baa tere ti ala tongana akete zo, ala baa amba ti ala tongana azo so ayeke kota ahon ala.

2 Tesalonike 2:4

Zo ti sioni so ayeke londo ti tiri bira na aye so kue azo ayeke baa ni tongana anzapa, na aye so kue azo ayeke voro ni. Lo yeke gue ande ngbii ti duti na ya ti kota da ti Nzapa si lo yeke tene, ni wani laa ni yeke Nzapa.