Matthieu 23:4 - Mbeti ti Nzapa - Tënë so amu fini

⁴ Ala kanga nengo kungba si ala zia ni na li ti azo; me ala wani, ala ye ti ndu kungba ni na maboko ti ala kete pepe.

Matthieu 23:4 Iomraidhean Croise

Ésaïe 46:1

Bel akuku awe, Nebo ati awe. A zia ayanda ti ala na ndö ti anyama, na ndö ti abagara. Ando, ala yeke yo ayanda ni ti tambula na ni na ya ti amatanga; fadeso aga nengo kungba na ndö ti anyama so awoko awe.

Matthieu 23:23

“Mawa na ala, awafango-ndia, ala na afarizien! Tënë ti yanga ti ala ayeke nde na sarango ye ti ala! Ala yeke mu *dime ti aye ti ala, ataa akete kete ye ti yaka ti ala; me kota tënë ti *Ndia, ala baa ni gi tongana senge ye na le ti ala. Kota tënë ti Ndia ni ayeke sarango ye ti mbirimbiri, bango mawa ti azo, ngbango na lege ti tënë ti Nzapa. Ye so ala lingbi fade ti sara ni laa, me ala zia pepe ti sara tanga ti aye ni.

Matthieu 23:3

Tongaso ala, adisiple, ala ma atënë so ala yeke fa! Ala sara ye so kue ala hunda na ala; me ala sara ye tongana ti ala pepe, ngbanga ti so ye so ala yeke fa, ala sara ye alingbi na ni pepe.

Nzoni Tënë so Luc asu na mbeti 11:46

Jésus akiri tënë na lo: “Mawa na ala nga, ala awafango-ndia, ngbanga ti so ala yeke zia kungba na li ti azo! Kungba ni ane ahon ngangu ti azo ni, me ala awafango-ndia ni, ala yeke ndu kungba ni na li ti maboko ti ala oko pepe!

Awatokua 15:10

Fadeso, ngbanga ti nyen laa ala ye ti gi yanga ti Nzapa na ziango mbeni kungba na li ti adisiple, kungba so akotara ti e na e wani, e yo ni gbaa so?

Awatokua 15:28

Biani, Yingo-Vuru nga na e wani, e ye ti zia mbeni nengo kungba na ndö ti ala pepe, gi kota ye oko:

Galasii 6:13

Ataa so azo ni afâ ganza, ala yeke sara ye alingbi na *Ndia pepe! Azo ni aye ti fâ ala na ganza ti wara lege ti gondango tere ndali ti ye so azo ni asara na tere ti ala, a-ita.

1 Jean 5:3

Lege ti yengo Nzapa ayeke titene e sara ye alingbi na andia ti lo. Andia ti lo ayeke ngangu pepe.

Aye so Nzapa afa 2:24

“Me ti ala azo ti Tiatire, ambeni zo na popo ti ala ake ti mu peko ti asioni tënë so azo ni ayeke fa. Ala so ake ti zia be ti ala na ndö ti atënë so azo ni airi ni ‘atënë ti Satan so angba na hondengo ni’, mbi tene na ala: mbi ye ti zia na ndö ti ala mbeni nengo kungba nde pepe.