Matthieu 23:38 - Mbeti ti Nzapa - Tënë so amu fini

³⁸ Fade ya ti da ti ala ayeke ngba senge senge.

Matthieu 23:38 Iomraidhean Croise

1 Agbia 9:7

fade mbi yeke zi ala, azo ti Israel, na sese so mbi mu na ala. Kota da so mbi zia ni nde ndali ti mbi, fade mbi yeke bi ni yongoro na le ti mbi si azo ti Israel aga mbeni ye ti *mato nga na ye so azo kue ayeke he na ngia.

Abia (Psaumes) 69:24

Ayeke nzoni le ti ala avuko si ala kiri abaa ndo pepe! Mo sara si peko ti ala aba bango lakue!

Abia (Psaumes) 69:25

Tuku sioni ngonzo ti mo na ndö ti ala, ayeke nzoni ngonzo ti mo ti wâ ati na ndö ti ala.

Ésaïe 5:9

Mbi ma na mê ti mbi *KOTA GBIA so ayeke na ndö ti dunia kue adeba, atene: “Biani, fade gba ti apendere kota da so ayeke tuku kue na sese; azo ayeke lango na ya ni pepe.

Jérémie 22:5

Me tongana ala, azo ti Juda, ala ma tënë so pepe – mbi KOTA GBIA, mbi deba na iri ti mbi wani – fade yangbo so ayeke ga ndo ti gba ti atêne; so tënë ti yanga ti KOTA GBIA laa.”

Daniel 9:26

Na peko ti ngoi baleomene na use so, fade a yeke fâ zo so a tuku mafuta na li ti lo so; zo oko ayeke mu maboko na lo pepe. Na pekoni mbeni makonzi ayeke londo, lo na aturugu ti lo ayeke ga ti buba gbata ni nga na ndo so a zia ni nde ndali ti Nzapa. Me na ndani, lango ti makonzi ni ayeke hunzi na lege ti ngonzo ti Nzapa so ayeke tuku na ndö ti lo. Me lo yeke sara bira ngbii asi na lango ti kuâ ti lo si lo yeke buba ndo kue alingbi na ye so a diko ndali ti lo.

Sofonii 3:6

KOTA GBIA atene: “Mbi hunzi ambeni mara kue awe, mbi kungbi agbagba ti bira ti ala; mbi sara si ndö ti alege ti ala angba senge, zo oko akiri ahon daa pepe; mbi buba agbata ti ala kue awe, zo oko angba pepe, zo ti lango na ya ni ayeke daa pepe.

Zakarii 11:6

Biani, mbi nga, fade mbi yeke baa mawa ti azo ti sese so pepe; so tënë ti yanga ti KOTA GBIA laa. Fade mbi yeke zia zo oko oko na maboko ti mba ti lo so ayeke nduru na lo, nga na maboko ti gbia ti kodro ti lo. Agbia ni ayeke buba sese biani biani, me mbi yeke zi zo oko na maboko ti agbia ni pepe.”

Matthieu 24:2

Me Jésus atene na ala: “Ala baa ye so kue so? Mbi tene na ala taa-tënë: fade têne oko ayeke ngba ndo so pepe na ndö ti mba ti lo; ye so kue ayeke tuku na sese.”

Marc 13:14

“Fade ala yeke baa ye so iri ni ‘Sioni-kpale-ti-bubango-ndo-kue’ so ayeke duti na ndo so sioni kpale ni alingbi fade ti duti daa pepe. (Mo so mo yeke diko mbeti so, mo gi nda ti ye so nzoni!) Tongaso, azo so ayeke na sese ti Judée, alingbi ala kpe ague na li ti ahoto;

Nzoni Tënë so Luc asu na mbeti 13:35

Fade ya ti da ti ala ayeke ngba senge senge! Mbi tene na ala so, fade ala yeke kiri ti baa mbi pepe ngbii asi na ngoi so ala yeke tene ande, atene: ‘Ayeke nzoni Nzapa asara tufa na ndö ti lo so aga na iri ti *Kota Gbia!’ ”

Nzoni Tënë so Luc asu na mbeti 21:20

“Tongana ala baa ande aturugu angoro Jérusalem kue, ayeke nzoni ala hinga atene, a ga nduru ti buba gbata ni awe.

Nzoni Tënë so Luc asu na mbeti 21:24

Fade a yeke fâ azo ni na yongoro zeme, a yeke gbu ala ti gue na ala na ya ti akodro kue. Amara kue ayeke buba gbata ti Jérusalem kue ngbii ngoi ti ala ahunzi si.”

Nzoni Tënë so Luc asu na mbeti 21:6

Jésus atene: “Ye so ala yeke baa so, ambeni lango ayeke ga so fade têne oko ayeke ngba na ndö ti mba ti lo pepe; ye so kue ayeke tuku na sese.”