Matthieu 23:35 - Mbeti ti Nzapa - Tënë so amu fini

³⁵ Tongaso, fade ngbanga ti mene ti azo ti mbirimbiri so kue ala fâ ala so ayeke kiri na li ti ala. Kozo zo so a fâ lo ayeke Abel, zo ti mbirimbiri. Tanga ti zo ni ayeke Zakarii, molenge ti Barashii; a fâ ando lo na popo ti ndo so ayeke nzoni kue na ti gbalaka ti *sandaga, na kota da ti Nzapa.

Matthieu 23:35 Iomraidhean Croise

Tongo nda ti aye 4:8

Tongaso Kain atene na ita ti lo Abel: “E gue na yaka.” Kâ na yaka ni, lo ti na ndö ti ita ti lo Abel si lo fâ lo.

2 Agbia 21:16

Na ndö ni kue, Manase afâ gba ti azo so asara sioni oko pepe si mene ti azo ni amu ya ti gbata ti Jérusalem kue. Siokpari ti fango azo ni aga na ndö ti siokpari so lo sara ti pusu azo ti Juda ti sara ye so ayeke sioni na le ti KOTA GBIA.

2 Agbia 24:4

nga ndali ti azo so asara sioni pepe si Manase afâ ala senge senge; mene ti ala atuku si amu ya ti gbata ti Jérusalem kue. KOTA GBIA ake ti zi tënë ni na li ti lo.

Ésaïe 14:21

Ala leke tere ti ala ti fâ amolenge ndali ti sioni so ababâ ti ala asara. Alingbi ala kiri alondo ti mu sese pepe, alingbi ala kiri ti sara si agbata asi singo na ndö ti dunia so pepe.

Ésaïe 26:21

Baa, KOTA GBIA alondo na ndo ti lo ti sigigi. Lo yeke hunda na azo ti sese ti fa peko ti asioni ti ala. Sese ayeke fa na gigi mene so atuku, azo so a fâ ala, sese ayeke kiri ti honde kuâ ti ala pepe.

Jérémie 2:30

Mbi pika ala gbaa; li ti ala aga daa oko pepe. Ala wani afâ awayanga-Nzapa ti ala na yongoro zeme tongana ti so bamara ayeke suru ya ti nyama.

Jérémie 2:34

Na tere ti bongo ti mo, gi mene ti azo ti mawa na ti azo so tënë ayeke na li ti ala pepe. Andaa laoko mo wara ala na fango yanga ti da ti mo pepe!

Jérémie 26:15

Ye oko, ayeke nzoni ala hinga atene, tongana ala fâ mbi, andaa ala fâ zo so tënë ayeke na li ti lo pepe. Tongaso, ngbanga ti kuâ ti mbi ayeke kiri na li ti ala, na li ti gbata so nga na li ti azo ti gbata ni. Biani, KOTA GBIA laa atokua mbi ti tene atënë so na mê ti ala.”

Jérémie 26:23

Ala gue, agbu Uria kâ na Ezipte si aga na lo na gbia Yoakim. Yoakim afâ lo; a mu kuâ ti lo si a bi na ya ti du so ayeke ndali ti azo kue.

Jérémie 26:8

So Jérémie ahunzi ti tene atënë so KOTA GBIA amu yanga na lo ti tene na azo so kue awe, awayango-sandaga, awayanga-Nzapa na azo kue agbu lo si ala tene: “Mo lingbi na kuâ!

Zakarii 1:1

Na ngu use ni so Darius ayeke gbia, na nze miombe ni, tënë ti *KOTA GBIA asi na wayanga-Nzapa Zakarii, molenge ti Berekia, molenge ti Ido. Tënë ni atene:

Wungo ti azo 35:33

“Kodro so ala yeke duti ande daa, ala sara titene aga *sioni pepe. Tukungo mene laa ayeke sara titene kodro aga *sioni. Zo so atuku mene ti zo, alingbi ala tuku nga mene ti lo si kodro ni akiri aga *nzoni.

Nzoni Tënë so Luc asu na mbeti 11:51

ti londo na kuâ ti Abel ngbii asi na kuâ ti Zakarii, so akui na popo ti gbalaka ti da ti Nzapa na ti ndo so ayeke nzoni kue so. Mbi tene na ala taa-tënë: fade Nzapa ayeke hunda na azo ti fadeso ti kiri tënë na lo na ndö ti kuâ ti awayanga-Nzapa so!

Awatokua 5:28

“E ke fade na ala na kuru go titene ala fa ye na iri ti koli so. Me ye ni asara tongana nyen si fango ye ti ala ni amu ya ti Jérusalem kue so? Na ndö ni, ala kiri atene, e laa e fâ lo!”

Ahebro 11:4

Na lege ti mabe, Abel amu na Nzapa *sandaga so ayeke nzoni ahon ti Kain. Ndali ti mabe ti Abel, Nzapa atene, lo yeke zo ti mbirimbiri si lo yeda na aye so Abel amu. Na lege ti mabe si Abel angba ti tene tënë laso na e, ataa so lo kui awe.

Ahebro 12:24

Ala ga nduru na Jésus awe, lo so lo leke tënë ti fini *mbuki; ala ga nduru awe na mene ti Jésus so atuku ndali ti azo si ayeke tene nzoni tënë ahon mene ti Abel.

Aye so Nzapa afa 18:24

Kâ na Babilone laa a tuku mene ti awayanga-Nzapa, ti azo ti Nzapa na ti azo so kue a fâ ala na ndö ti sese.