Matthieu 23:34 - Mbeti ti Nzapa - Tënë so amu fini

³⁴ Ndani laa, mbi yeke tokua na ala awayanga-Nzapa, azo ti ndara na awafango-ndia. Ala, afarizien na awafango-ndia, ala yeke fâ ande ambeni si ala yeke fâ ambeni na ndö ti keke ti kroa. Ala yeke pika ambeni na fimbo na ya ti ada ti sambelango Nzapa ti ala si ala yeke tumba peko ti ala na ya ti agbata oko oko kue.

Matthieu 23:34 Iomraidhean Croise

2 Agbia 21:10

Nilaa KOTA GBIA atene tënë na lege ti azo ti kua ti lo, awayanga-Nzapa, atene:

2 Mbai 24:21

Tongaso azo ni ama tere na hondengo ni na tere ti Zakarii; gbia amu yanga na ala si ala bo lo na têne, ala fâ lo na ya ti gbagba ti kota da ti KOTA GBIA.

Amato 11:30

Sarango ye ti zo ti mbirimbiri ayeke tongana keke so ayeke mu fini na zo. Zo so ayeke na ndara, fade lo yeke woko be ti azo titene ala mu peko ti lo.

Jérémie 26:8

So Jérémie ahunzi ti tene atënë so KOTA GBIA amu yanga na lo ti tene na azo so kue awe, awayango-sandaga, awayanga-Nzapa na azo kue agbu lo si ala tene: “Mo lingbi na kuâ!

Jérémie 36:26

Lo mu yanga na Yerameel, molenge ti gbia, na Seraya, molenge ti Azriel nga na Shelemia, molenge ti Abdeel ti gbu wakuasu Baruk, lo na wayanga-Nzapa Jérémie; me Nzapa ahonde ala awe.

Matthieu 10:23

Tongana azo asara ngangu na ala na ya ti mbeni gbata, ayeke nzoni ala kpe ague na ya ti mbeni gbata nde. Mbi tene na ala taa-tënë: kozo titene *Molenge ti Zo akiri, fade ala yeke hunzi kua ti ala na ya ti agbata ti Israel kue pepe.

Matthieu 13:52

Lo tene na ala: “So ti tene, wafango-ndia so ahinga ye na ndö ti *Kodro-gbia ti yayu awe, lo yeke tongana mbeni wa ti da so ayeke mu afini mosoro na angbene ni kue na ya ti gogoro ti lo ti sigigi na ni.”

Matthieu 23:31

So ti fa atene, ala wani ahinga atene, ala yeke *ahale ti azo so afâ ando awayanga-Nzapa so.

Nzoni Tënë so Luc asu na mbeti 24:47

Na iri ti lo, fade azo ayeke fa Nzoni Tënë na amara kue, ti to nda ni na Jérusalem. Ala yeke tene na azo titene ala zia ngbene lege ti sarango ye ti ala, ala kiri na Nzapa si fade Nzapa azi siokpari na li ti ala.

Jean 16:2

Fade azo ayeke tumba ala na ya ti ada ti sambelango Nzapa. Na ndö ni, ngbonga ni ayeke ga so fade ambeni zo ayeke fâ ala si azo ni ayeke tene na be ti ala atene, kua ti Nzapa laa ala yeke sara so.

Jean 20:21

Jésus akiri tënë na ala: “Siriri aduti na ala! Tongana ti so Babâ atokua mbi, mbi nga, mbi tokua ala.”

Awatokua 1:8

Me fade ala yeke wara ngangu na ndembe so Yingo-Vuru ayeke zu na ndö ti ala. Tongaso, ala yeke ga azo ti tenengo tënë ti ye so ala hinga na ndö ti mbi, na Jérusalem, na Judée kue, na Samarii, ngbii ala si na nda ti sese kue.”

Awatokua 11:27

Gi na ngoi ni so, ambeni wayanga-Nzapa alondo na Jérusalem aga na Antioshe.

Awatokua 12:2

Lo mu yanga si a fâ Jacques, ita ti Jean, na yongoro zeme.

Awatokua 13:1

Na *Eglize ti Antioshe, *awayanga-Nzapa na awafango-ye ayeke daa: Barnabas, Siméon so a iri lo Zo-vuko, Lusius ti kodro ti Sirene, Manaen so lo na kota komanda Herode akono oko, na Saul.

Awatokua 14:19

Ambeni zuife alondo na Antioshe, na sese ti Pisidii, ambeni alondo na Ikoniom si aga; ala sara si gba ti azo ni aye peko ti tënë ti ala. Tongaso ala bo Paul na têne, ala gboto lo asigigi na lo na ya ti gbata ni, ala baa ti ala atene, lo kui awe.

Awatokua 15:32

Judas na Silas, so ala yeke nga awayanga-Nzapa, atene tënë mingi na azo ni ti mu ngangu na be ti ala si ala kpengba.

Awatokua 5:40

Ala iri awatokua ni, apika ala na fimbo si amu yanga na ala ti kiri ti tene tënë na iri ti Jésus pepe. Na pekoni, ala zi awatokua ni.

1 Korente 2:6

Andaa, tënë ti mbi ayeke tënë ti ndara so mbi yeke fa ni na azo ti Christ so aga kangba na lege ti mabe awe. Ndara ni ayeke ndara ti azo ti dunia so pepe wala ndara ti ala so ayeke na komandema na ndö ti dunia so. Ti azo ni, fade a yeke hunzi ala kue kue kue.

1 Korente 3:10

Na lege ti nzoni be so Nzapa asara na mbi, mbi sara kua tongana nzoni wakode ti sarango da; mbi leke gere ti da ni si mbeni zo nde asara da na ndö ni. Me ayeke nzoni zo oko oko asara hange na lege so lo yeke sara da na ndö ti gere ti da ni.

Kolose 1:28

Tënë ti lo laa e yeke fa na azo. E yeke mu wango na azo kue si e yeke fa na ala ye na lege ti ndara kue, tongaso si zo oko oko na lege ti gango so lo ga oko na Christ aga kangba na lege ti Yingo.

1 Tesalonike 2:16

Ala yeke kanga lege na e ti fa tënë ti Nzapa na azo ti amara nde, tënë so alingbi ti soo ala na kuâ. Tongaso, azuife ayeke sara si siokpari ti ala akiri ahon ndoni. Me na ndani, Nzapa asara ngonzo na tere ti ala.

Ahebro 11:37

A bo ambeni na têne, a fâ ya ti ambeni use use na sii, a fâ ambeni na yongoro zeme. Ala hinga ndo so ala lingbi ti duti daa pepe si ala hon kirikiri, bongo ti ala ayeke gi poro ti tere ti taba wala ti ngasa. Ye kue atia ala, a sara ala sana si a sara ngangu na ala.

Aye so Nzapa afa 11:10

Azo ti ndö ti sese ayeke duti na ngia ndali ti kuâ ti azo use so. Ala yeke sara matanga, ala yeke mu akadoo na amba ti ala, ngbanga ti so awayanga-Nzapa use so aga na pasi mingi na ndö ti azo.