Matthieu 23:27 - Mbeti ti Nzapa - Tënë so amu fini

²⁷ “Mawa na ala, awafango-ndia, ala na afarizien! Tënë ti yanga ti ala ayeke nde na sarango ye ti ala! Ala kpa gi adu ti kuâ so azo aleke ndö ni na mbamba. Ndö ni ayeke pendere, me na ya ni, abio na afungo ye nde nde asi singo daa.

Matthieu 23:27 Iomraidhean Croise

Amato 26:23

Tongana zo ti sioni be atene tënë ti ndoye, akpa wen ti nginza so puru ni angba daa si a mu ni ti zia na tere ti ta ti sese.

Wungo ti azo 19:16

Tongana mbeni zo ayeke fono na ya ti ngonda si lo pika gere ti lo na kuâ ti mbeni zo so akui kuâ ti ngangu, wala senge kuâ, wala lo pika gere ti lo na abio ti kuâ wala na du ti kuâ, fade lo yeke ga *sioni na ya ti lango mbarambara.

Matthieu 23:28

Ala nga, ala yeke tongaso. Na le ti azo, ala kpa azo ti mbirimbiri, me be ti ala ayeke nde si siokpari asi singo daa.

Nzoni Tënë so Luc asu na mbeti 11:44

Mawa na ala, ngbanga ti so ala yeke tongana adu ti kuâ so azo abaa ni pepe, ala hinga pepe si ala yeke tambula na ndö ni!”

Awatokua 23:3

Tongaso Paul atene na lo: “Mo, so mo yeke tongana dere ti da so a sara mbamba daa so, fade Nzapa ayeke pika mo! Mo duti ti fâ ngbanga ti mbi na lege ti ndia, me mo zia ndia ni awe si mo mu yanga titene a pika mbi!”

Galasii 6:12

Azo so ayeke gbu ala na ngangu titene ala fâ *ganza so, aye gi titene a gonda ala ndali ti ye so zo ayeke baa tongana kota ye. Azo ni aye gi ye oko: ala yeke kpe titene azo asara ngangu na ala ndali ti keke ti kroa ti Christ.