Matthieu 23:12 - Mbeti ti Nzapa - Tënë so amu fini

¹² Zo so asara tere ti lo tongana kota zo, fade a yeke sara si lo ga kete zo. Zo so asara tere ti lo tongana kete zo, fade a yeke sara si lo ga kota zo.”

Matthieu 23:12 Iomraidhean Croise

Mbeti ti Job 22:29

Tongana ambeni zo awoko, mo lingbi ti tene na ala: “Ala londo!” Biani, azo so asara tere ti ala kete, Nzapa ayeke soo ala.

Abia (Psaumes) 138:6

Ataa so KOTA GBIA ayeke na nduzu kâ, lo yeke baa azo so asara tere ti ala kete, lo hinga zo ti baba, ataa so lo ngba yongoro kâ.

Amato 15:33

Kpengo mbeto ti KOTA GBIA ayeke fa na zo lege ti dutingo na ndara. Kozo titene zo awara gonda, ayeke nzoni lo sara tere ti lo kete si.

Amato 29:23

Kuru baba ti zo asara si azo abaa lo tongana kete zo; me zo so asara tere ti lo kete, azo ayeke gonda lo.

Ésaïe 57:15

Nzapa so ayeke na nduzu mingi, yongoro kâ, lo so ndo ti lo ayeke kpu na kpu, lo so iri ti lo ayeke nde si ayeke nzoni kue, tënë so lo tene ayeke so: “Mbi Nzapa so mbi yeke nde si mbi yeke nzoni kue, mbi yeke na nduzu mingi. Me mbi yeke na azo so a nika ala awe nga na azo so asara tere ti ala kete. Mbi yeke mu ngangu na be ti azo so asara tere ti ala kete; mbi yeke kiri fini na azo so a nika ala awe.

Matthieu 18:4

Kota zo ti Kodro-gbia ti yayu ayeke zo so asara tere ti lo kete si lo ga tongana molenge so.

Matthieu 5:3

“Ti ala nzoni, ala so ahinga atene, ye ti yingo atia ala, ngbanga ti so *Kodro-gbia ti yayu ayeke ti ala!

Nzoni Tënë so Luc asu na mbeti 14:11

Biani, zo so kue asara tere ti lo tongana kota zo, fade a sara si lo ga kete zo; zo so asara tere ti lo tongana kete zo, fade a sara si lo ga kota zo.”

Nzoni Tënë so Luc asu na mbeti 18:14

Mbi tene na ala: so lo ga ti kiri na da ti lo, lo ga mbirimbiri na le ti Nzapa awe, me farizien ni pepe. Biani, zo so asara tere ti lo tongana kota zo, fade a yeke sara si lo ga kete zo; zo so asara tere ti lo tongana kete zo, fade a yeke sara si lo ga kota zo.”

Jacques 4:6

Me Nzapa akiri asara na e nzoni be mingi ahon ti so. Biani, Mbeti ti Nzapa atene: “Nzapa ake tënë ti azo ti baba, me lo yeke sara nzoni be na azo so asara tere ti ala kete.”

1 Pierre 5:5

Amaseka, ala nga, ala ma yanga ti akangba. Ala kue, na lege ti dutingo ti ala na popo ti amba ti ala, ala sara tere ti ala kete, ngbanga ti so Mbeti ti Nzapa atene: “Nzapa ake azo ti baba, me lo yeke sara nzoni be na azo so asara tere ti ala kete.”

1 Pierre 5:6

Ala sara tere ti ala kete na gbe ti Nzapa so ayeke na ngangu, tongaso si fade lo yeke zia ala na kota ndo tongana ngoi ni alingbi.