Matthieu 22:4 - Mbeti ti Nzapa - Tënë so amu fini

⁴ Lo kiri lo tokua ambeni zo ti kua ti tene na azo ni, atene: ‘Mbi leke aye ti matanga ni awe, mbi fâ abagara ti mafuta, mbi leke ye kue awe. Ala ga na matanga ni fadeso!’

Matthieu 22:4 Iomraidhean Croise

Néhémie 9:17

Ala ke ti ma yanga ti mo; be ti ala agirisa na aye ti dongo be so mo sara ndali ti ala. Ala sara ngangu li si na ya ti tomboka ti ala, ala soro mbeni makonzi ti kiri na ala na gbe ti ngbaa na Ezipte. Me mo, mo zia ala pepe, ngbanga ti so mo yeke Nzapa so mo yeke zi siokpari na li ti zo, mo yeke sara nzoni be na zo si mo yeke baa mawa ti zo, mo yeke sara ngonzo hio hio pepe, nzoni be ti mo asi singo.

Abia (Psaumes) 86:5

Kota Gbia, mo yeke nzoni, mo yeke zi tënë na li ti zo, mo yeke sara nzoni be mingi na azo so kue ayeke iri mo.

Amato 15:17

Tengo kugbe ti kasa na ndo so yengo tere ayeke daa ayeke nzoni ahon tengo bagara ti mafuta na ndo so kengo tere ayeke daa.

B. ti abia 5:1

Ita ti mbi ti wali, mo so mo yeke ga wali ti mbi so, mbi yeke li na yaka ti mbi, mbi yeke ko *mire ti mbi nga na yombo ti mbi, mbi yeke te da ti wotoro ti mbi, mbi yeke su mafuta ti wotoro ti mbi; mbi yeke nyon vin ti mbi, na ngu ti me ti mbi. A-ita, ala te ye, ala nyon ye, ala sule ndali ti yengo tere.

Matthieu 21:36

Wa ti yaka ni akiri atokua ambeni zo ti kua so wungo ti ala ahon ti ala ti kozoni; me azo ti fango yaka ni asara gi mara ti sioni so na ala.

Matthieu 22:5

Me azo ni abaa tënë ti lo ni tongana senge tënë si ala gue na ando ti ala nde nde: mbeni ague na yaka ti lo, mbeni ague ti de buze ti lo.

Matthieu 22:8

Na pekoni, lo tene na azo ti kua ti lo: ‘Ndembe ti matanga ti mungo tere ni alingbi awe, me akozo zo ni alingbi fade na matanga ni pepe.

Nzoni Tënë so Luc asu na mbeti 14:17

So ngbonga ti tengo kobe ni alingbi awe, lo tokua zo ti kua ti lo ti tene na azo so lo tisa ala so, atene: ‘Ala ga fadeso! A leke ye ni kue awe!’

Awatokua 1:8

Me fade ala yeke wara ngangu na ndembe so Yingo-Vuru ayeke zu na ndö ti ala. Tongaso, ala yeke ga azo ti tenengo tënë ti ye so ala hinga na ndö ti mbi, na Jérusalem, na Judée kue, na Samarii, ngbii ala si na nda ti sese kue.”

Awatokua 13:46

Tongaso Paul na Barnabas akiri atene na ala polele, atene: “Ala fade laa, e lingbi ti fa tënë ti Nzapa na ala kozoni. Me ndali ti so ala ke ni awe si ala wani abaa tere ti ala atene, fini so angba lakue lakue, ala lingbi na ni pepe, e yeke zia ala ti gue na mbage ti azo ti amara nde.

Rome 8:32

Nzapa agbanzi Molenge ti lo na e pepe, me lo ka lo ndali ti e kue; fade lo yeke ke ti mu na e aye kue tongana nyen?