Matthieu 22:32 - Mbeti ti Nzapa - Tënë so amu fini

³² ‘Mbi laa mbi yeke Nzapa ti Abraham, Nzapa ti Isaac na Nzapa ti Jacob.’ ” Jésus akiri atene: “Nzapa ayeke Nzapa ti akuâ pepe, me lo yeke Nzapa ti azo so ayeke na fini.”

Matthieu 22:32 Iomraidhean Croise

1 Agbia 18:36

Na ngbonga ti mungo sandaga ti peko ti bekombite, wayanga-Nzapa Élie aga nduru na tere ti gbalaka ni si lo tene: “KOTA GBIA, Nzapa ti Abraham, ti Isaac na ti Jacob, ayeke nzoni mo fa na azo laso, mo tene, mo laa mo yeke Nzapa na sese ti Israel. Mbi yeke zo ti kua ti mo si mbi sara aye so kue gi na lege ti tënë ti mo.

Sigingo 3:6

Mbi yeke Nzapa ti babâ ti mo, Nzapa ti Abraham, Nzapa ti Isaac na Nzapa ti Jacob.” Tongaso Moïse ahonde le ti lo, ngbanga ti so lo yeke na mbeto ti baa Nzapa.

Matthieu 22:31

Âdu tënë ti zingongo ti akuâ, ala diko tënë so Nzapa atene na ndö ni pepe? Lo tene:

Awatokua 3:13

Nzapa ti Abraham, ti Isaac na ti Jacob, Nzapa ti akotara ti e, amu gonda na Jésus, zo ti kua ti lo. Me ala azo ti Israel, ala zia lo na maboko ti akota zo, ala ke lo na dawa ti Pilate, ataa so Pilate aye ti zi lo.

Awatokua 7:32

‘Mbi yeke Nzapa ti akotara ti mo, Nzapa ti Abraham, ti Isaac na ti Jacob.’ Tere ti Moïse ayeke do na mbeto si lo ye ti kiri ti baa ye ni pepe.

Ahebro 11:16

Me kodro so nzara ni ayeke sara ala so ayeke kodro so ayeke nzoni ahon atanga ni kue, so ti tene kodro ti yayu. Ndani laa kamene asara Nzapa pepe titene ala iri lo Nzapa ti ala. Biani, lo leke mbeni gbata ndali ti ala.